Vorsetzung kangaroo island tour

hallo zeme, leider han i sit i doet letscht mol im internet ueber kangaroo island gschribe han nueme wuerklich ziit gha zum schribe.
so i versuche jetzt so guet wie moeglich alles no ufzschribe, nid das i min blog no i de schwiz verfolstendige mue. ;-)
also bevor mer mit de ferry uf kangaroo island sind, hemer no uf eme huegel wale watching gmacht leider simer nid erfolgrich gsi.
uf kangaroo island ahcho simer i eusi unterkunft gfahre, isch mega cool gsi hend en farm fuer sich (also dunternehmig mit dere i tour gmacht han). hends eus den gmuetlich gmacht und afo spaghetti zcho fuer de znacht. und den hemer nochli plauderlet und sind den goge pfuuse.
am noegschte tag het euse guide mega lieb zmorge fuer eus gmacht. nochem zmorge hemer no koalas bsucht wo grad hinder de farm huused, so herzig, si hend es baby.
nochher hemer eus parat gmacht und sind is auto ghoeckled und hend de 3stuendig marsch dur sgehoelz in ahgriff gno. isch no schoen gsi. den isch au scho wieder fascht mittagsziit gsi, dorum simer wieder i eusi unterkunft retour wo mer den no 3boys willkomme gheisse hend wo nur 2tages tour gmacht hend. sind alles englisch sprechendi gsi. super das het gheisse i bi die einzig gsi wo englisch nid als muttersproch gha het. isch aber nid so mega tragisch gsi, die 2girls hend glich mit mir plauderlet. nochem zmittag simer zu de seal bay, doet hemer mega herzigi seehuend gseh. am obe hemer die chline pinguine am meer bsucht. sind ebe nur nacht aktive. wo mer wieder retour gsi sind hemer no es feuer vor em huus gmacht und marschmelons broetlet. isch no luschtig gsi. und den am spoetere obe simer wieder is bett. am noegschte tag simer de remarkable rock goge ahluege, isch mege ihdruecklich gsi, die steivormatione. noch dem simer den no en anderi seehund art goge ahluege, sind chli meh aktiv gsi wie die vo gester. noch dem simer mit voll pauer retur wo mer miteme fischerboot retour as mainland sind. isch mega cool gsi mit em fischerboot mer isch so chli noecher bim wasser gsi. jo und den isch eusi tour au scho wieder fertig gsi. dur das mer sfischerboot und nid d`ferry gno hend simer en stund fruener retour gsi. so han i perfekt choene alles erledige (woesch mache, internet, cd broene) und den goge pfuuse. am 7.30 han i de bus an flughafe gno und bin uf sydney retour gfloge.