Sydney nach Port Douglas

Sobald mer sauto gha hend. simer richtig blue mountain gfahre. doet ahcho, isch eus den gli bewusst worde das mer gar nid so vill ziit doet verbringe choend will mer jo nochli oebsi fahre soetted will mer suscht nid puenktlich sind fuer eusi noegscht buecht tour. also hemer es backpacker in newcastel bucht. einisch spoot am obe simer den au no ahcho.
am noegschte tag simer den is hunter valley, wo da papi wein probiert het und den is wieder wieter uf bellington (oder so ehnlich) wo mer die noegscht nacht gschlofe hend. au de tag simer spoot am obe ahcho (9ni oder so) die 2teg hemer immer um die 6h - 8h gfahre, isch no ahstrengend gsi.
vo doet us simer den uf hervey bay gfahre. doet hemer den euses auto fuer uf fraser island entgege gno. und sind no chinesisch goge esse am obe isch mega fein gsi.
am noegschte morge hets gheisse frueh ufstoh, so das mer 7.15 ferry uf fraser island verwuetscht hend. da mol hemer en richtig chip gha, suscht wered mir uf de groesste sand insle uf de welt grad versoffe. ajo was au no zege isch, mir hends richtig guet mit em wetter breicht. und kurz und buendig, es isch es mega cools erlebnis gsi, miteme chip ufem sand am strand no zfahre. wuerd i grad wieder mache. ajo und mir hend wale gseh. juhui!!!

so hei chume irgendwie nid so vorwerts mit schribe, also fass mi chli kurzer, hoff sind mer nid boes.
noch fraser island hemer 2teg ziit gha zum uf airlie beach zfahre, da mol hemer aber bedes mol nur um die 5h pro tag muesse fahre somit simer am obe nid immer so spoot ahcho. isch no gmuetlich gsi.
in airlie beach simer fuer 3teg uf en sailing trip dur d`whitsunday. gstaret het eusse trip mit rege und ufghoert mit sunneshin was sehr motiviert het.
insgesamt hemer 4r mol choene goge schnorchle. d`ale und de philipp sind 3mol goge tauche. jo isch mega schoen gsi zum schnorchle. und den hemer au no de schoeni wissi sand gseh, nur leider is bewoelkt gsi und somit is nid so zur wuerkig cho. hends aber glich gnosse. was au no mega es erlebnis gsi isch, isch das mer uf em boot gschlofe hend. es isch so es chlises bett gsi, i und d`ale hends teilt irgendwie hemer aber den platz gha und es isch no recht bequem gsi. zerscht luegt mer mol chli doof wenn mer das gseht, aber gwoennt sich schnell dra das mer nid so vill platz uf em boot het. somit simer vill dusse uf em boot gsi wenn s`wetter einigermose ok gsi isch.
noch em segle, hemer 2 1/2 teg ziit gha zum uf port douglas fahre. die letscht nacht bevor mer ahcho sind, hemer in cairns gschlofe. isch fuer mich perfekt gsi, will i dur das en schulkollegin vo perth nomol troffe han. und zwor d`rie en japanerin. i und dale sind chli mit ihre unterwegs gsi, hend chli poesterlet, bbq gha, kino und night market. mega en schoene obe gsi. vermiss teil luet scho recht.
und den am noegschte tag hemer eus uf de weg uf port douglas gmacht, sind aber gli stecke blobe, will mer miteme seilbaendli no ueber de regewald gfahre sind. isch ihdruecklich gsi de regewald emol vo obe zgseh. am obe simer den in port douglas ahcho und hend eusi mega schoeni wohnig in empfang gno.
huet simer uf chillagoe gfahre, ein weg het 4h dured, de papi het ebe emol nochli is outback welle, isch lessig gsi will mer no im kafizentrum gspopped hend und mer es paar kangaroo gseh hend, aber sdoerfli selber isch nid so de riesser gsi, hald wie au es outback doerfli. und mir hend leider kei ziit gha zum en tour zmache will die so lang gange werded. somit simer den wieder retour gfahre.
jo und somit wer i scho fascht am endi ahcho.
morn isch min letchte tag do in australie, go nochli dur d`lede vilicht find i jo no oebis, und i hoff fest das morn dsunne nochli fuerre chunt und i no an strand chan. de wetter bricht isch aber gege min plan. so lueged mir emol oeb de gott mit gebet erhoert...
und den isch de 23. juli und i sitze mich in flugi richtig schwiz... isch irgendwie es mega komische gedanke. freu mi riesig all luet wieder zgseh, aber i glaub au das i australie recht vermisse wird.

also bis bald i de schwiz
letscht mol wo i euch es paar gruessli us australie sende,
margot