Back in Sydney

retour in sydney ahcho, han i de shuttlebus is backpacker gno. und uf em weg zum backpacker laufe han i scho d`nicole vor ihrem backpacker ahtroffe. isch en kollegin vo mir wo mit mir i dschul gange isch.
sobald ihre fruend am flughafe fuer retour gsi isch, isch si zu mim backpacker cho. hend gwartet bis mini homestay family mis gepeck brocht het und den simer im rege chli dur dstadt. hend no es paar sache muesse bsorge, also besser gseit i han no es paar sache muesse bsorge.
und um die 4ri am nomittag hemer den no en anderi nicole troffe au en schwizerin. mir 3 sind den oebis zeme goge drinke. und hend eusi reiseerlebnis ustusched. isch mega gmuetlich gsi. i und d`nicole wo mit mir i dschul isch, hend den no zeme znacht gesse bevor mer eus verabschieded hend fuer de moment. han si naemli nomol troffe (chunt spoeter im bricht).
im backpacker ahcho han i no mini zimmergnossine troffe, sind mega liebi gsi und dur das hemer no fascht 1h gschnoerred bevor ih endli is bett cho bin.
am noegschte tag bin i am 9ni uf de shuttlebus richtig flughafe, wo i mini familie in empfang gno han. isch richtig schoen gsi alli wieder zgseh noch so langere ziit.
hend no oebis am flughafe drunke und sind den is backpacker. nochher hemer eus au grad ah d`èrkundigung vo sydney gmacht. zerscht hemer en pie gesse und den hemer eigentli uf de tower welle wills aber so en langi warteziit gha hend hemers uf de noegscht tag verschobe und sind staddesse uf d`harbour bridge. isch au lessig gsi. am 6i hemer den mini homestay family troffe und sind mit ihne goge znacht esse. isch mega schoen gsi mini 2familiene zeme zha. und den nochem esse hemer en lange marsch retour is backpacker gha. erschoepft ahcho sind all tod mued is bett glege und hend pfuused.
am noegschte tag isch ziitig tagwach gsi, so das mer nid so lang hend muesse warte bim tower. so noch de nuene hemer d`ussicht vom tower us gnosse, bevor mer den wieter sind zum opera house wo mer chli ringsherum glofe sind. und den hemer die noegscht ferry uf manly gschnappt. in manly hemer zmittag gesse und den en alti arbetskollegin vom papi troffe. sind den dur manly glofe und i han ihne no mini schul zeigt und den hend die erwachsene oebis drunke werdend mir sind goge poesterle.
am 5i hemer d`ferry retour gno will mer uf die 6.30 en reservation uf em tower gha hend. hend leider no zerscht muesse ahstoh, aber isch den glich no lessig gsi uf em tower restaurant, hend eus emel so richtig voll gfresse. und nomol dussicht gnosse vo obe abe uf sydney. und den is wieder retour is backpacker.
am noegschte morge simer mit em zug doet hi wo mer euses auto hend choene goge abhole. am 9ni hemer den emol ahgfange alles zbespreche. jo am 11i hemer den fangs choene losfahre.