Tour Tasmania

Hallo zeme

I bis wieder, am liebschte wuerd i zwor jetzt is bett husche und go pfuuse, aber han denkt mue euch wieder uf de neust stand bringe. so sinds wenigschtens nid so vill taeg ueber wa i schribe mue, got mir doch au ringer so.

Wenns mer recht isch bin ih am donschtig uf Launchester gfloge. Am morge hets gheisse ready zsi am 9ni vor em backpacker das i au de shuttel bus fuer an flughafe jo nid verpasse. jo has no guet gha, d`nicole wo ih im backpacker wieder ahtroffe han isch au uf de glich shuttle bus cho, so hemer zeme choene go.
am flughafe ahcho han i ihchecked und jo den bin i au scho los gfloge. nochere 1h flug bin i in launcheston ahcho. da isch im norde vo tasmanie. isch luschtig gsi, das isch so en chline flughafe das no keis gepeck band hend. so hesch sgepeck vom wegeli muesse abhole. isch oebis ganz neus gsi und jo den bin i wieder mit em shuttle bus is backpacker. eigentli hend s`backpacker erscht am 3i am nomitag wieder ufgmacht aber will no anderi am warte gsi sind, hemer gluecklicherwis scho doerfe ihchecke. jo und den han i mi uf de weg gmacht launcheston chli zerkundige. zerscht bin i im schwizer schoggi kafi en heisse schoggi goge hole und han mi nochher uf de weg i d`schlucht gmacht. isch en gmuetliche walk gsi und han so es cools baendli no choene bruche wo ueber de fluss isch, voll gedige und jo den bin i wieder retour glofe und den han i 3korenaerine ahtroffe wo mit mir ihchecked hend, somit bin i den nochli mit dene launcheston go erkundige. isch no gedige gsi.
und den bin i am obe den wieder is backpacker han es broedli zum znacht gesse und bin den au scho go pfuuse. ih mim zimmer sind no d`katharina und d`franziska gsi (2duetschi girls).
und jo den het doch mini tour vo launcheston nach hobart au scho ahgfange. die 2 duetsche girls sind au debi gsi und no 13anderi girls und 1boy. de armi...
am erste tag simer i d`cradle mountain. isch mega es schoens naturgebiet. hend doet en bergmarsch vor eus gha. isch choge obsi gange, aber de ufstieg het sich glohnt, hend en super ussicht gha. ajo s`znacht hemer jo immer selber muese choche somit hemer ei mol pro tag stop gmacht zum poste. am erste tag simer ih so en mickrige shop cho de het grad emol es paar teigware gha und suppene. jo isch eus d`entscheidig nid so schwer gfalle.
jo noch em walk simer au scho zu eusere unterkunft gange wills scho dunkel worde isch. isch zmizt im nirgendswo gsi. eifach so es paar unterkuenft. isch no gedige gsi. vor em znacht simer no ah d`tasmanie devil show. d`devil sind tier wos nur in tasmanie git. isch no intressant gsi. wo d`show fertig gsi isch simer hei goge d`spaghetti choche und hend no es paar spieli gspielt und jo um die 11i simer den is bett.
am noegschte tag hemer am 7.30 muesse ready si, huet hemer nomol en lengere marsch vor eus gha und zwor dur de regewald zum hoechste wasserfall in tasmanie, welle 104metter hoech isch. isch schoen gsi, aber de marsch chli lang, will ein weg isch 1.5h gsi und alles eifach grad us, also ohni endi. vor em wasserfall hets den no en hengebrugg gha, bin au drueber glofe aber isch mer nid so ganz ghuer gsi, het doch chli fest gschauklet. jo das wer glaub au scho shighleight gsi vom 2. tag, oder besser gseit chan mi nueme ah gross meh erinnere. jo und den simer wieder i d`unterkunft huet hemer en hammer cooli unterkunft gha. so chlini feriekontainer wo en chuchi und s`bad dine gha hend und es sofa. mega gedige. jo sind den au ih dene inne blobe und d`zobe nid usse so de andere is huesli goge spieli mache wills ebe recht gregnet het. isch aber voll gmuetlich gsi im huesli. ajo sind am 2.tag no an en strand ah de west kueste, isch ganz zspeziel gsi wils so schlecht wetter gsi isch, het s`meer recht do und jo s`wasser isch fascht schwarz gsi, fascht chli beaengschtigend. ajo und zum z`mittag hemer en mega coole feine hamburger und chips becho. so en guet hamburger han i no nie gha, het ananas, rande, speck, burger, zwieble und salat dine gha. mhhh...
jo und den isch de letscht tag scho ahgseit gsi. am morge ufgwacht und es het eifach abegschiffed was het moege, super. aber bis mer den zmorge gno hend hets zum glueck ufghoert regne. huet is euses endziel gsi hobart, uf de ander kueste site.
uf eusem weg doet hi, hemer ah 2wasserfaell stopp gmacht, zu dene wasserfell hemer zum glueck amigs fuer ein weg nur 15min gha. sind all gluecklich ueber das gsi, will s`wetter nid guet gsi isch (rege) und mer all chli uf de schnore gsi sind) ajo de eint wasserfall het nelson wasserfall gheisse. in hobart ahcho simer emol is backpacker, isch ordli guet gsi. und en stund spoeter hemer eus nomol troffe, also die meiste vo de gruppe zum zeme goge znacht esse, het fisch and chips geh, mhh...
nochher simer no eis goge drinke. isch mega luschtig gsi, jo bin schlussendli am 2am morge im bett gsi.
am noegschte tag hets gheisse, hobart chli erkundige, han en marsch vo mim reisefuehrer gmacht isch no schoen gsi. und jo zobe bin i den mit em matthias (schwizer vo de tour) und de kornika (vo canada) nomol goge znacht esse. hend au wieder gedige gha und jo den bin i retour go pfuuse. will am noegschte tag hets gheisse wieder retour uf melbourne.
het lenger dured wie planet, de flug het zerscht emol 1h verspoetig gha und den in melbourne han i de shuttle bus gno und jo bis de abgfahre isch isch au nomol fascht 1h vergange. jo schlussendli bin i den am 6i anstatt am 4ri acho und han somit st.kilda nueme choene goge erkundige (isch de ort wo mis backpacker isch).
jo bin den ih mis zimmer und doet han i en neuseelanderin troffe, jo mir hend den zeme gwesche und den bin i den au scho gli is bett.
huet bin ih am 9.30 ufbroche richtig melbourne zentrum. han de gratis bus gno und bin ih d`rod laver area gfahre. da isch doet wo amigs australien open stadtfindet, da isch s`tennis tunier. han en tour dur d`ahlag gmacht. bin natuerlich wieder emol die einzig gsi, wie scho oebe emol. aber isch voll intressant gsi. obwohl i kei ahnig vom tennis han. jo wird noegscht johr sicher emol en match vom australien open luege. ;-)
und nocher bin i zum captain cook cotage, isch nid so intressant gsi eifach chli es aelters huesli. und den bin i no s`parlament huus vo usse goge ahluege und den han i no an maert welle aber bin zspot gsi hend scho alles zue gmacht. jo han mi den uf de weg gmacht zum d`asuka treffe (japanerin wo i vo perth kenne).
zerscht simer is kino `don`t miss you with zohan` goge luege, isch no en luschtige film gsi mit em adam sandler. und den simer ahschluessend no goge italienisch esse, mhh... isch da fein gsi, hend eus nur chli ueberesse.
so jetzt han i euch wieder schoen vill gschriebe. morn isch no ein tag in melbourne ahgseit und den gots wieder uf adelaide.
wuerd mi ueber es paar kommentare freue.

liebs gruessli us melbourne sendet euch
d`margot