Tour Sydney to Melbourne

Guete Morge everybody

So jetzt bin i doch grad uf de Shuttelbus fuer an Flughafe am warte. wie d`ziit doch lauft mach i mich doch jetzt scho uf de weg uf Tasmanie.

So zerscht emol schoen eis nochem andere.
am 14. juni han i zerscht emol am morge am 4.30 muesse ufstoh will i de bus han muesse neh i d`stadt am 5.50. so da isch scho mol chli hert gsi fuer mich so frueh ufzstoh. den bin i schlussendli recht zfrueh doet gsi aber das han i jo gwuesst gha.
noch de 7ne is den los gange richtig canberra. mir hend no en cooli gruppe gha alles jungi luet ussert es eheperli us duetschland, aber die sind au voll ok gsi. bin meistens mit de monica (italienerin) und de stefanie (bernerin) zeme gsi. hends mega luschtig gha. euse erste grosse stop isch in canberra gsi. doet simer zerscht is australian war memorial museum gange. isch no choge intressant gsi, die fuehrig und hald au die gschichtli vom krieg, das sich d`manne amigs eifach als tot usgeh hend und den irgendwo anders glebt hend mit ere andere frau. oder au das kinde wo erst 14ni gsi sind in krieg sind und so. nochere stund simer den emol uf en ussichts punkt canberra vo obe goge ahluege. isch scho no cool gsi, aber fuer das das die stadt wuerklich geplant ufbaue worde isch sis doch nid so intressant gsi. ajo wers nid weiss das isch d`hauptstadt vo ganz australie. es isch so gange eigentli hends jo melbourne oder sydney soelle si aber will si sich nid hend choene entscheide hends canberra bauet ih de mitti vo dene 2stedt. nochem zmittag simer den dur all botschafte gfahre. isch choge intressant gsi. leider hemer aber dschwiz nid gseh :-(
nochher hets gheisse ab zum parlament house. doet hemer en fuehrig gha, isch au intressant gsi. zum bispiel wenn en sitzig isch hend all luet ziit inerhalb vo 4minute in sitzig ruum zcho. noch 4min werded tuure gschlosse und jo du bisch den hald dusse. jo das wer so s`intressante vom 1. tag gsi.
am 2. tag simer frueh uf und hend zerscht emol euses guete zmorge gnosse, wo eier, toast, speck, roesti, und muessli inbetriffe gsi isch. mhhh...
nochher simer i d`snowy mountain gfahre. wie de name scho seit, sind da dschneeberge. de hoechsti berg in australie isch 2280 meter ueber meer wens mer recht isch. jo mir sind den doet ahcho und jo isch no choge luschtig gsi im schnee zstoh, vorallem will ih jo de winter nid deheime gsi bin. leider hets nid gnueg schnee gha zum schlittle und es billet fuer uf de gipfel hend grad 70.- kostet. hemer gfunde da isch chli vill. dorum simer hald eifach chli umeglofe und den gli wieder ufbroche und hend no en marsch im nationalpark gmacht bevor mer gesse hend. hmm und wa hemer scho wieder nochem zmittag gmacht. weiss es grad nueme sorry.
jo emel de noegscht tag hemer welle goge de sunnneufgang luege, isch leider zu bewoelkt gsi...
nochher simer wieter in noegscht nationalpark wo mer kangaroo, emus und 2walabi gseh hend. isch mega cool gsi, die tier ih de natur zgseh. und den simer uf glaub de uessertscht punkt vo australie glofe und hend doet zmittag gesse und d`ussicht gnosse und den simer am strand no retur glofe. und den hets scho gheisse ab die post richtig melbourne.
wo mer den in melbourne ahcho sind. sind mini 2kollegine au im gliche backpacker gsi bevor ihri tour am noegschte tag wieter isch. und dorum hemer gfrogt oeb mer im gliche zimmer choend schlofe. das het den hald zur folg gha das mer imene gmischte room gsi sind und nid wie ih bucht han imene fraueschlag janu. im erste zimmer wo mer gsi sind isch es hurre durrenand gsi und es het no weinfleschene am bode gha. aber zum glueck hemers wieder muesse wechsle will better noni gmacht gsi sind. und jo nochher simer in es rechts ordlis zimmer cho und d`luet sind no symphatisch gsi. jo han emel den no 1nacht meh doet pennt.
am obe simer den 4te mir drue wieber und no en boy vo de tour zeme goge esse. jo wo i den heicho bin han i d`nicole no troffe si isch en schwizerin und isch ih die glich schul gange. jo isch no choge glat gsi, hend immer gmeint mir verpassed eus grad. jo und nochher hemer eus mol verabreded fuer am noegschte tag zum d`stadt zeme erkundige. wo mer den is bett sind hemer no mega vill gschnoerred mir 4. isch voll glatt gsi. jo und den han i am noegschte morge am 6i good bye zu mine neue kollege gseit und han nomol 2h gschlofe und am 9ni han i den d`nicole troffe und mir sind emol uf melbourne inne. zerscht simer in botanische garte, den is informations zenter, den in queen victoria market, da isch en grosse maert, mir sind aber eigentli nur doet goge esse und den no rasch dure glofe. nochher simer uf de tower, emol d`stadt vo obe goge ahluege, aber het nuet so mega speziels gha wie hald in sydney s`opera house oder bridge oder so. und den isch jo scho fascht wieder 5i gsi und den han i en japanerin troffe wo i vo perth her kennt han. sind den zeme goge chinesisch esse isch mega fein gsi. und jo den bin i au scho wieder retour is backpacker goge packe und dusche das i huet den parat gsi bin und nid all no gweckt han am morge. und jo jetzt gots den ab die post an flughafe und uf tasmania.
meld mi sobald wie moeglich wieder.

liebi gruess us melbourne sendet euch
d`margot