Tour Melbourne to Adelaide

Hallo zeme

I bis scho wieder.
Wet euch rasch ueber mini Tour vo Melbourne to Adelaide brichte.
Isch mega cool gsi, hend en laessigi gruppe gha. sind nur 6 persone gsi. all mega liebi, hend immer alles als gruppe gmacht, sind zeme goge zmittag esse hend d`walks zeme gmacht und immer ufenand gwarted. isch voll cool gsi und hend au immer mega coole gsproechs stoff gha. ;-)
Also fanged mir doch emol ah, mol luege ah wa i mi no erinnere chan. erlebt mengisch fascht zvill zum alles erinnere.
Fangt scho guet ah, mag mi scho nueme erinnere, wo mer serscht mol zmittag gesse hend, also mol nochli nochedenke...
Ah jo de erst stopp hemer gmacht wo all die Kleidermarke shops sind, isch no ihdruecklich gsi wie vill shops doch hend, aber es isch no zfrueh am morge gsi, so d`shops hend noni offe gha wa vilicht au chli besser gsi isch. suscht hend i nur wieder geld usgeh. nochher simer zumene beliebte surferstrand gange wo mer chli de surfer zuegluegt hend und chli am strand nocheglofe sind. hey glaubeds nid jetzt isch mer wuerklich wieder in sinn cho wa mer gmacht hend. nochem zmittag esse simer de Tree Top Walk goge mache, isch voll cool gsi, nur mengisch hets chli fescht gwinnded, fascht zfest hesch richtig gseh wie d`baum gschauklet hend.
nochem walk simer euses zueg im backpacker goge ablade und nochher hemer eus uf de weg zu de 12 apostel gmacht so das mer de sunneuntergang gseh hend. leider isch s`wetter scho de ganz tag nid so de hit gsi, da isch au de grund gsi wieso mer nur so en halbe sunneuntergang gseh hend, wie au immer, die 12apostel hend mer mega guet gfalle. wuerd grad wieder go.
nochher simer is backpacker goge znacht esse. isch no en anderi gruppe doet gsi wo tour adelaide-melbourne mached hend, isch luschtig gsi, die sind grad 20 persone gsi und den choemed mir mit 6persone ;-)
also da wer de 1. tag gsi, am 2te tag simer nomol retour zu de 12. apostel und hend nochher de rest vo de great ocean road goge ahluege, das het gheisse all 5min. wieder usstiege und snoegschte goge ahluege. isch mega schoen gsi, aber het immer wieder gregnet so nid grad sbeste wetter. und am schluss simer au froh gsi wo die stross doch endli fertig gsi isch, het doch glich alles chli glich usgseh. am beste hend mer scho die 12. apostel gfalle. aber bin eigentli allgemein voll begeisteret gsi vo de great ocean road.
am nomittag hemer en berg bestiege. isch no en rechte ufstieg gsi, aber hend wie immer nocheme rechte ufstieg en mega schoeni ussicht gha und jo wies hald so isch wend den emol dobe bisch, bisch richtig stolz uf dich selber.
am obe hemer so en art challet als unterkunft gha. hammer geil, isch mer so for cho wie i de skiferie, dusse is chuehl gsi und dinne hemer es fuer gha. mega gmuetlich. de fuehrer het fuer eus den spaghetti koched werend mir UNO gspielt hend. isch mega luschtig gsi. hend sganze challet fuer eus gha, voll heimelig gsi.
am noegschte morge simer en wasserfall goge ahluege bevor mer de noegscht walk gmacht hend. es isch mega klettere gsi wie laufe. aber het mer besser gfalle wie de walk de tag vorher. und wie hald jedes mol au do wieder en mega ussicht. und nochher hets gheisse, ab nach adelaide.
jetzt isch wuerklich nur no fahre ahgseit gsi, mit emol emene stopp zum zmittage esse oder uf s`WC zgo. jo schlussendli sinds gueti 4h fahre gsi, isch eim eifach vill lenger vorcho, will hald alles grad us gange isch und eifach alles glich usgseh het. hend eus emel all gfreut wo mer in adelaide ahcho sind. han bim backpacker ihchecked, wa au da mol ordli guet gsi isch. ih mim zimmer isch en englenderin mega en liebe. sind aber alleige. isch no gedige. leider verloht si mi morn, mol luege oeb oeber neus chunt oder oeb i s`zimmer fuer mich allei han.
am obe simer den no mit es paarne vo de gruppe go thailendisch esse. isch mega fein gsi. han riss mit gmues gha mhh...
ajo hend huet no wiessi kangaroo gseh, isch mega komisch gsi, sind mer gar nid symphatisch gsi.
jo und huet isch scho de 1.tag in adelaide gsi, bin mit em bus uf port adelaide gange. isch aber nid so toll gsi wie ih erwartet han. bin an maert gange, isch aber nur antiquitate gsi. so nid so ganz min fall und nochher han i vom informationszenter es velo becho (gratis) und bin mit dem chli am strand nochegfahre. da isch mega gedige gsi, het richtig guet do wieder emol chli velo zfahre. has richtig gnosse. jo und morn weiss i noni gnau wa mache, sicher in botanische garte, evtl. is museum und es wer no en tour dur d`stadt jo mol luege. hald spontan.
also das wers wieder emol gsi, gone no uf kangaroo island und den treff ih scho mini familie in sydney, freu mi, aber mit dem chunt de tag wo ih wieder heichume noecher und im moment is so das ih am liebschte no lenger do bliebe wuerd.
no rasch zu mim english, muend nid erwarte das is fascht perfekt chan, da isch gar nid so. han eigentli denkt i choens den scho besser, also bin noni zfriede, chan mi eifach mitlerwille dureschloh ueberall und frog hald eifach wenn i nid wieter weiss. aber wie gseit bin nid wuerklich happy mit mim english :-(

liebs gruessli us adelaide
margot