letztes wochenende in manly

hallo zeme

so wie dziit doch lauft. han grad mini pruefige hinder mir. isch choge schwer gsi, bin mer noni sicher oeb i bestohne, aber im moment is mer glich, han mis beste geh und jetzt wot i eifach no min reste vo de ziit in australie gnuesse.

am letschte fritig isch de letscht schultag gsi, dorum hemer au nur no am morge schul gha und nochher simer zeme go zmittag esse mit de klass. isch mega cool gsi es isch eim nur einisch meh bewusst worde das langsam zend got. nochdem bin i hei und den no rasch i d`stadt. wo i am 8ti wieder deheime gsi bin, han i mir znacht gmacht will jo mini homestay vom donschtig bis huet in melbourne gsi sind, und dorum allei dieheime gsi bin. und den han i mi scho wieder parat gmacht will mir sind nomol so richtig go abdance ih dstadt isch choge luschtig gsi. d`juliana und d`katrin hend den bi mir pennt wills noecher gsi isch und am samschtig simer am 3 i dstadt, zerscht is lindt cafi will si mir das uf de geburi gschenkt hend. doet hemer mega feini glace gesse, mhhh... nochher simer in olympic pool go relaxe, chli go schwueme, sauna und sprudelbad. am 21.30 simer den oebe bi de juliana deheime acho wo mer eus fachitas zum znacht gmacht hend und den eusi ziit chli dure brocht hend, will mer am 2 am morge de eroeffnigsmatch bi ihre deheime gluegt hend. nur schad hend d`schwizer nid gunne. janu nochher simer bo pfuuse. am sunntig nomitag hemer nomol die meiste schwizer droffe und sind nochli go billiard spiele und goge doeggele isch no luschtig gsi und den bin i hei eifach chli gogoe si. am mentig han i den nochli glernt und jo den isch au scho wieder zischtig und eusi pruefig isch gsi.
ajo ab jetzt wirds nueme so langi mails und bricht geh, will am samschtig mach i mi uf de weg richtig melbourne. s`reiseprogramm schrib i no einisch die wuche uf de blog.

also i soet wieder go, goend huet obe no go esse, zur feier des tages und nochher nomol in usgang.

liebs gruess us manly sendet euch
d`margot