3. letschti Wucheendi in Manly

Hoi zeme

So zum letschte Fritig, mir hend jo de ersti Test gha und zwor s`muendliche. Es isch nid so schlecht gange fuer mis und em Mike sis verheltnis. so i hoff das i durechume.
Noch em Test bin i mit de Homestay Mutter uf Mosman zum coiffeur. mini hoor hend mi soo mega ufgregt gha. jo schlussendli bin i den 2.5h bim coiffeur gsi, aber fuer mich het er nur oebe 10min brucht. er het nid allzu vill gschnitte nur wieder eh chli en bessere schnitt dri brocht. jo und den hets gheisse let`s go to the immigration. Han richtig schwein gha das ih en Express Bus verwuetsch han so bin i no puenktlich ahcho. jo es isch den gar nid so schwer gsi s`visum ih es touristevisum umzendere wie ih denkt han. jo so bin i jetzt mega happy das i mis visum also jetzt es touriste visum ha wo bis am 25. july gueltig isch.
noch dem bin i no es paar souvenir go poste bevor i den d`sohe (koreanerin wo mit mir i dschul got) troffe han. mir sind zeme is observatorium gange. Da isch en art sternwartig, d`tour isch 2h gange isch chli lang gsi. aber s`spezielle wo mi recht beihdruckt het, isch gsi wo mer dur s`teleskop d`sterne gseh hend. und de hoehepunkt isch gsi das mer de Planet Saturn gseh hend. wau.
wo den d`fuehrig fertig gsi isch simer no zeme go italienisch esse, isch mega fein gsi. und den hemer eus wieder uf de weg heigmacht.

am samschtig um die 1 am nomittag han i d`kartin und d`juliana ah de warfh troffe. eigentli hemer jo as food and wine festival welle go, aber es isch nid so guet fuer eus gsi will mer alli de wein nid wuerklich gern hend. dorum hemer den eifach chli spieli gmacht und sind am 3 en rugby match go luege. noch de halbziit simer den aber wieder gange will mer nid ganz so druss cho sind wie d`regle sind. jo sind den in coles go food poschte, will am obe simer bi de juliana deheime gsi und hend bi ihre gschlofe.

und jo den isch au scho sunntig gsi, es het gheisse frueh ufstoh will mer jo hend welle miteme auto uf canberra (d`hauptstadt vo australia). sind den am 8ti parat gstande bim vermieter und hend scho fascht alles unterschribe gha, wo mer den erfahre hend das eigentli nur d`juliana fahre doerf oder besser gseit mir choend au fahre aber will mir under 21gi sind moessted mir alles selber zahle wenn oebis passiere wuerd. und das isch eus den scho chli riskant gsi, will meistens passiert den genau oebis. und das d`juliana alles fahrt isch au chli en zumutig gsi, will es wered um die 8 oder 10 stunde gsi. jo dorum hemer den hald alles cancelled. zerscht hended mir no oebis muesse zahle, hend em aber gseit das nid wuerklich euse fehler isch will ih und d`juliana sind jo egstra emol go froge wie das gnau isch will mir jo noni all ueber 21gi sind und den het de ma gseit es seg keis problem. jo schlussendli simer den ih d`warringah mall chli go shoppe und hend eus en dvd poschted und sind de zu de juliana hei goge luege. jo das wer den mis wucheendi au scho wieder gsi. isch schlussendli ganz friedlich gsi obwohl mer nid uf canberra hend choene go.

liebs gruessli
margot