Wa gits neus?!

Hoi zeme

Vill intressants gits nid zverzelle. wa isch so alles glofe?!
Die letscht wuche isch eigentli en recht gmuetlichi wuche gsi,wieder emol chli en ruhigeri het richtig guet do,eifach wieder emol noch de schul heizgo.
Am donschtig simer mit de Schul uf Sydney i d`Rocks. Bevor mer gange sind hemer es paar infos ueber es paar gebaudes muesse usefinde und den hemer eusi eignig fuehrig dur d`Rocks gha. isch no lessig gsi.vorallem nid schul. und hald glich mit de klass zeme. am 2i simer den imene cafi no zeme go zmittag esse. isch mega fein gsi, aber chli wenig. jo wie au immer.will eusi klass am obe no sind go koreanisch go esse hemer eus nochli d`ziit muesse durestoh, dorum simer zerscht in en pub. wills eus den gli langwilig gsi isch simer no in darling harbour glofe wo mer den no es kafi gno hend. und den hemer eusi koreaner fruende drofe und sind mit dene is restaurant. isch mega fein gsi, vorallem hald will de koreaner wo doet amigs au schaffed en schulkolleg isch und dur das hald speziels zueg bstellt het. isch mega cool gsi so mit de klass. nochem esse simer den mit em bus hei gange.
am Fritig noch de schul hemer es BBQ gha au mit eusere und de parallelklass und suscht no es paarne. isch au mega lessig gsi.leider wirds nur immer scho so frueh dunkel. janu got amgis glich au ohni licht. hends mega guet gha. obwohl mer hauptsechlich nur duetsch gredt hend, aber merkt hald scho das luschtiger isch so, will mer hald sache intressanter chan verzelle. aber es isch jo nid so das mer immer nur no duetsch reded, mir gebed eus richitg mueh wieterhin english zrede. obwohls chli nocheglo het, aber nur chli.
am samschtig isch en relax tag ahgseit gsi, d`juliana, dkatrin und i sind in shelly beach chli am strand glege. i und d`juliana hends sogar is wasser gschaft. aber hei isch das chuehl gsi, brrr... und s`beste isch jo gsi wo mer am schwuemme gsi sind hemer ghoert wie es paar taucher gseit hend das en hai gseh hend. jo den is mer nueme so wohl gsi, bin den froh gsi wo mer wieder am strand gsi sind.
am sunntig simer uf d`8.45 ferry uf sydney. es isch ebe es buddafestival gsi, hend denkt das wer sicher no cool. isch leider nochher nid so das ware gsi und den simer hald scho fruehner uf d`monorail da isch so es herzigs zuegli wo um de darling harbour fahrt isch no gmuetlich gsi mit dem umezfahre. nochher hemer aber scho nueme wuerklich gwusst wa mache.sind den emol i de rocks go esse und nochher simer nueme so motiviert gsi zum oebis mache. i und d`katrin sind den nomol in darling harbour retour oebis go trinke. jo das wer mis wucheendi gsi, wie gseit nid wuerklich intressant.

Gester hemer mit eusem 2te Mock Exam gstarted, das isch en probedurchlauf vo eusere pruefig. en teil isch schwerer gsi wie de ander. gsehs jo den wies usecho isch.
aber sbeste ah gester isch gsi, das mer noch de schul is opera house sind go es ballet go luege. isch mega cool gsi. obwohl mer am ahfang chli entdosche gsi sind,will de erst teil richtig klassisch gsi ischh. aber isch nochher vo part zu part lueschtiger worde und am schluss is den ganz luschtig gsi. s`opera house selber han i mir inne eigentli nochli schoener vorgstellt. aber es chan hald nid alles perfekt si.

huet hemer nur fuer 40min i dschul muesse.wo mer euses muentliche testli gha hend. nocher simer uf d`15.00 uhr vorstellig is kino. will am zischtig is jo immer billiger. sind `what happens in vegas` go luege. isch no en luschtige film gsi. und jo jetzt bin i grad am pc und schribe min ihtrag. jetzt han i euch fuer en wuche wieder uf de neust stand brocht.

macheds guet
liebs gruessli
margot