Geburtstag

Hallo zeme

Wie doch ziit lauft, jetzt bin i doch au scho 20gi.
Am Mittwuch obe bin i mit de Juliana in Steynes gange (da isch en Pup), doet hemer den no anderi vo de Schul troffe und am 12i hemer den uf min Geburtstag ahgstosse.
Bevor mer am 1.10 hei sind hemer i de baeckerei no es gipfeli postet hei isch das fein gsi. Den bin i hei gange und han d`Paeckli uspackt und den bin i noch de 2ne is Bett gange.
Nach 6.5h han i leider scho wieder muesse ufstoh. Den isch mini homestay schwoester so herzig gsi, si het aegstra gwartet mit ih dschul go, bis si mir het choene gratuliere so herzig. Ajo huet isch s`wetter den lessig gsi, serst mol sit ih in australie bin hemer dicke nebel. aber zum glueck hets den am mittag ufto. bevor ich i dschul bin, bin i no en geburtstagscake go poste. i de schul hend mi den katrin und d`lidia am morge frueh scho s`geburilied fuer mi gsunge.
ueber de mittag sind d`katrin, d`juliana und i den ih d`warfh goge yoghurt und banane brot esse. am nomittag i de schul hemer den min chuche gesse und chli plaeuderlet isch voll gedige gsi. noch de schul hets gheisse ab di post in coles goge euse food fuer s`bbq poste und den simer all zeme mit em bus an freshwater beach. doet hemer den es bbq gha. mir sind oebe 12persone gsi. isch es mega gmuetlichs bbq gsi, obwohls scho frueh dunkel gsi isch, hemer glich no licht gha vo de strosselampene, isch no vo vorteil den gseht mer wenigschtens wa mer isst.
han sogar no en geburtstagschuche becho mit cherzli isch mega herzig gsi. um die 9ni simer den so langsam retour uf manly glofe und hend en bus heigno. wo i deheime ahcho bin het mer de rest vo de familie au no gratuliert und han sogar es gschenkli becho so herzig. und den isch hald no ufgabe mache ahgseit gsi...
Am Fritig bin i de ganz kaput gsi, will i die letschte 2necht nid wuerklich vill gschlofe han. hans den au de ganz tag gmerkt. noch de schul bin i direkt hei und nochli goge abliege bevors znacht geh het. und wuessed ihr was zum znacht geh het?! LASAGNE juhui, si het egstra fuer mich lasagne postet isch mis geburiesse gsi, so herzig. has richtig gnosse und den han i scho wieder muesse mich parat mache fuer in usgange. will i und d`juliana sind no uf sydney in usgang gange. wie scho sletscht mol simer wieder i d`three monkeys gange. isch ebe no cool doet hend immer live band. da mol simer en stund fruener hei. somit bini den am 4ri is bett cho. und den han i bis am 12i choene schlofe und den hets scho wieder ufstoh gheisse, heieiei immer mue mer wieder ufstoh, wieso au.
Chan eu de grund grad sege, mir drue wieber sind huet uf sydney is martime museum, isch no vol intressant gsi, vorallem hemer en privat fuehrig gha dur s`museum und mue natuerlich no sege das gratis gsi isch. juhui... isch no voll intressant gsi. noch em museum simer wieder retour richti manly, wo mer wieder einisch meh sind go poste und zwor da mol fuer de obe. will i und d`katrin hend vom samschtig uf de sunntig bi de juliana deheime pennt. zum znacht hemer roesti mit spiegelei gmacht, hei isch das fein gsi, obwohl si eh chli en anderi farb gha het wie die i de schwiz, aber mir sind jo nid heickel. ajo zum choche hemer no schwizer radio glost, da isch au wieder emol oebis speziels gsi, aber het mi no erstund han sgfuehl gha es sind immer no die gliche lieder im radio wie wo ih gange bin. oder lieg i do falsch?!
Wo mer den de eint Film gluegt gha hend, hemer es Schoggifondue gha, da isch au herrlich gsi und wo mer de 2ti film afo luege hend hemer no zweifel chips gesse. ih weiss mir hend richtig gsundet aber has richtig gnosse. um die 2 simer den is bett. ih und d`juliana hend nochli plauderlet und am 3 sind au mir den ihgschlofe. am 11i wo i den ufgstande bin isch zmorge scho parat gsi. d`katrin het en zopf bached und den hets dezue Eier und Speck geh und Nutella. Mhhh....
Nochem Zmorge simer den uf de Balkon ghocked und hend s`Wetter gnosse und Spieli gmacht. Isch voll gedige gsi. Leider han i am 4ri muesse ufbreche richtig hei, will i no so vill han muesse deheime mache (Ufzgi, Waesche, Tagebuch...) Jo und den isch euses schoene wucheendi leider au scho wieder verbi gsi. :-(