Surfing

Hallo zeme

Hei mue mi richtig ahstrenge, wieder emol oebis zschribe. han fascht nie ziit.
noch de schul schnoerred mir amigs nochli und den heisst heigo znacht esse und
ufzgi mache und den isch scho bett ziit. und am wucheendi simer immer unterwegs.

So zum wucheendi. am samschtig simer (Lidia, Katrin und Ih) mit de Schul uf Palm Beach, da isch oebe 1h vo manly. Doet hets gheisse, let`s go to surf.
bin zerscht sehr skeptisch gsi was s`surfe ahbelangt, will i jo die liebe welle nid
so gern han. aber es isch den schlussendli ganz luschtig gsi. zerscht hemer so en
neupran ahzug becho. simer den schoen froh gsi, will s`wasser isch nid wuerklich so warm. und den isch churz theorie ahgseit gsi und den hets gheisse ab die post und usprobiere. isch cool gsi wend mit em surfboard uf de welle gsi bisch, i has aber nid gschaft, uszstoh! wieter nid schlimm, es isch jo au mis erste mol gsi. aber es isch nid eifach zum uebe. das du d`welle verwuetschisch, musch mega fest padle. so vilicht goemer nomol go uebe wenn mer luscht hend. aber es isch recht tuer. jo mol luege. aber bin wuerklich positiv ueberrascht gsi vom surfe. het mer no guet gfalle.
jo de rest vom tag isch nid so speziell gsi sind no zumene luechtturm und hends eifach gmuetlich gha i de gruppe. am obe simer den rasch hei und nochhere stund simer scho wieder in manly gsi, will vom 8ti bis am 9i het mer freiwillig choene s`licht abschalte zum strom spare und die ziit isch en digeridoo spieler am strand gsi und fuehrspuker. jo aber es hend glaub nid wuerklich vill slicht abgschaltet. jo i und d`katrin sind den gmuetlich anegsitzt und hend em digeridoo spieler zueglost. und den simer au scho hei, will mer do mega kaputt gsi sind vom surfe.

am sunntig simer ah d`easter show. hend 2h gha bis mer endli doet gsi sind und hend 32 dollar zahlt. aber schlussendli is nid wuerklich guet gsi. d`shows sind mega lahm gsi. und den hets eifach vill stend gha wod zueg hesch choene poste,aber fuer da hesch jo au wieder geld brucht. jo sind den au nid alzu lang blobe. d`easter show isch en art mega grossi chilbi, oder jugendfest. jo es het emel au en luna park gha und ebe vill stend wod zug hesch choene poste.

jo und den isch au scho wieder mentig gsi und wieder schul. am mentig noch de schul hemer mit de schul aktivitet en tour gmacht um manly. isch no cool gsi so die versteckte strend zgseh. und den hemer au no de suneuntergang gseh.
gester noch de schul simer no fuer es stuendli an strand glege. aber isch nid so verruckt heiss gsi.

jo i glaub das wers wieder emol fuer de moment.