ANZAC Weekend

Hallo zeme

Da Wucheendi hemer es verlengerets Wucheendi gha. Will de ANZAC Tag gsi isch, ah dem fiertig duends die viele verstorbene vo allne Kriege wo gsi sind, betruere. Fuer mi und d`Juliana het da gheisse am Fritig am morge frueh uf das mer 8ti Ferry verwuetsch hend uf Sydney, will mir hend gseit mir woend d`Parade go luege wo isch.
Isch no intressant gsi, obwohls recht militerisch gsi isch. Noch oepere 1h hemer gfunde jetzt hemer gnueg gseh und den simer paar Backpacker go checke. Am 12.30 simer den wieder retour und no en Red go lose. Nochher simer no in Paddy`s Market fuer d`Juliana es T-shirt goge poschte. Und den hemer no welle is Olymipic Schwuembad eus chli go erhole. dummerwies hemer die falsch Ferry verwuetsch. Jo dur das hemer den nid nur 7min zum schwuembad gha sondern 2.5h ups. Jo isch en schoeni Ferryfahrt gsi. nochher simer hald nur no go luege wo s`schwuembad den ueberhaupt wer. und den hemer eus uf de Weg zum Schwizer Restaurant gmacht. Hei da isch scho richtig heimelig gsi wenn mer ihcho isch. Hend alles mega schoen gschmueckt, mit Fahne, Alphorn, alte Ski, bilder ...
Mir hend den Roesti gesse, i han roesti mit Pilz gha isch mega fein gsi und zum Desert hemer Schoggifondue gha. mhhh...

Und den isch au scho Samschtig gsi, zerscht hemer emol chli gschlofe. Den hemer eus im Reisebuero troffe will mer bed no hend doet hi muesse und nochher simer in es Shoppingcenter. Wer glaub besser gsi wered mir nid gange. hei hend grad chli geld usgeh. und bevor mer hei sind han i mir no d`Fingernegel loh alhmole. Han jetzt es schwarzes French und mit bluemli dekoriert, isch mega schoen. nur leider hebts nur oebe en Wuche wills jo mini eigne Negel sind. :-(
Ab obe isch den de neu Student ih eusi Familie cho. sind name isch au Philipp aber es seged ihm all Phil. jo i glaub isch no en flote. chunt fo St. Gallen. Isch chli doof das er au duetsch chan. mir red nemeli automatisch den zum teil duetsch.
und den isch endli 10ni am obe gsi. da hets fuer eus zwoi gheisse nomol d`ferry zneh fuer us Sydney und s`erst mol so richtig in Usgang. Isch mega cool gsi. vorallem musch jo do meistens kei Ihtritt zahle. und den hends en live Band gha. de einzig chli nochteil isch gsi das recht vill Talibane gha hend und die hend amigs nid choene kapiere das mir nid ah ihne intressiert sind. und den sinds immer so um eim umetenzled. aber isch zum teil au luschtig gsi. jo und den hemer am 4ri am morge de nachtbus hei gno. isch no erstundlich schnell gange bis mer de hei gsi sind. nur 30min.

und den hets gheisse schlofe. juhui endli wieder emol is bett. aber leider sind nur 7h dine glege und den han i scho wieder uf muesse und am 13.00 hemer den d`Ferry uf sydney wieder gno. Will mer hend welle go schwuemme, wa mer am fritig jo dummerwies verpasst hend. aber isch eh besser gsi gester, will s`Wetter guet gsi isch. und dur das hemer den d`sunne im liegestuhl nochli choene gnuesse und eifach emol 2h relaxe. isch mega gmuetlich gsi und den hets leider scho wieder gheisse heigo das mer no puenktlich deheime sind fuer s`znacht.

jo das wer oebe mis wucheendi gsi, sind wieder die ganz ziit unterwegs gsi und hend nid allzuvil gschlofe. Aber es isch es gmuetlichs und glich uf en art relaxeds wucheendi gsi.

Liebs gruessli ussem momentan sunnige aber eher chuehle Manly
hoff das d`sunne nochli bliebt.

Margot