Reise von Perth-Esperance-Alice Spring, 1. Teil

Hallo zeme

I bin im moment in Darwin und han no 10min ziit im internet und do han i denkt i vo mol ah mit mim reisebricht.
am 1. merz am samschtig more hets gheisse frueh tagwach. will am 7.00 han i muesse i de stadt parat si fuer mini reis. d`lanna isch so nett gsi und het mi gfahre. und jo den hets gheisse definitiv abschied neh vo de familie und perth. isch mer scho nid eifach gfalle.
fuer de erst teil vo minere tour han i en frau als leiterin gha, voll cool. ihre name isch brydie. uf eusere tour simer en jungi gruppe gsi. oder besser gseit uf em erste teil vo eusere tour. die erste 5teg simer mit de frau unterwegs gsi und fuer i d`wuesti hemer den in en andere bus gwechslet. also nur 9 vo eus und den simer mit neue luet zeme gsi. aber jetzt zerscht zum erschte teil.
noch oebe 2h start simer in bunburry ahcho wo mer is delfin zenter sind. leider hemer kei delfin gseh. die choemed nur i d`bucht wens grad luscht hend.
nochher hemer im bus eusi name ah d`fenster gschribe. isch voll cool gsi. und jo es sind 3persone mit mir gsi wo allei greist sind. aber mir hend wuerklich en super gruppe gha jedi person het mit jedere gredt. und mir hend immer es festli gha im bus. hend cooli musig gha, so richtig ferie musig, also australischi chli country messig. so mini 10min sind gli ume und i han grad festgstellt das i mis tagebuch zur hilf bruche das i euch gnau chan brichte wa i gmacht han. isch doch scho es paar teg her und i han so vill erlebt.

also i meld mi wieder wenn i den in sydney bin.

liebs gruessli
margot