Kakadu Nationalpark in Darwin

So jetzt no zum letschte teil vo minere Reis.

12. Merz
I bin am 5.20 uhgstande han mi parat gmacht und bin ah d`reception gange am 6i zum uschecke und mis gepeck in gepeck ruum due. nochher bin i in supermarkt go mis zmorge poste. has aber nid so guet breicht, isch nid so fein gsi mis brot. janu
Am 6.30 simer abgholt worde in Darwin. Mir hend wieder en relativ gueti gruppe gha. 7elteri duetschi und de rescht is alles jungi allein reisendi persone gsi. 3 vo holland, 1 Denmark, 1 Irland und 1 australierin.
Am 1. Tag simer in Litchfield nationalpark. Mir sind zumene Wasserfall glofe wo mer hend choene bade. wau isch das schoen gsi. voll cool. In darwin is mega drueckend warm gsi, so is bade perfekt gsi fuer ues. vorher hemer no stallagmiten oder so endlich gseh, isch no intressant gsi doet inne lebed ameisi und die chasch esse, die einte schmoecked wie pfeffer die andere wie en zitrone. nochem erste wasserfall simer no zumene ander gange. doet sind boys nomol go schwuemme. mir hend richtig schwein gha das si hend choene schwuemme, will noch eus hends d`schwuembecki gsperrt wills d`nacht vorher so vill gregnet het unds chli gfoerlich choent werde. nochher simer go zmittag esse, het hot dog geh.
am 3 am nomitag simer uf es boot wo d`krokodil gfuetteret het, isch mega cool gsi die riese fiecher vo so noechem gseh. nochher hets gheisse lets go zu eusem erste camp. uf em weg doet hi hets afo regne. die nacht hemer immene zelt gschlofe isch no cool gsi. vorem znacht sind mir junge no in pool gange. voll cool i de schwiz wuerdsch doch nid in pool go wens regnet. aber do isch das richtig cool. nochher hets bbq zum znacht geh und den simer au scho gli go schlofe will mer all so mued gsi sind. aber da isch schwer gsi z`schlofe es isch so warm gsi. i bin mit de sarah de australierin im zelt gsi.

13. Merz
huet am morge bin i fruener verwachtet als de wecker gstellt gsi isch, will die duetsche um eus ume so krach gmacht het. de ma het die ganz ziit zu sinere frau gseit ufstoh ufstoh.
huet simer in kakadu nationalpark gfahre, doet hemer zerscht muesse checke wo mer hichoend und wo nid, wegem ville wasser hemer nid ueberall hi choene.
als erst hemer de anbangbang walk gmacht, do bisch de felse no glofe und de paul euse fuehrer het eus d`fels malereie erklert, isch no intressant gsi. nochher simer go zmittag esse und den hets am nomitag gheisse nomol laufe. 3km ein weg. isch recht hert gsi will smeiste i de sunne gsi isch. aber s`schoene isch gsi das am ende en wasserpool uf eus gwartet het wieder mit eme wasserfall. isch richtig en schoeni erfrischig gsi aber niemert het welle usem wasser und wieder retour. isch mega schoen gsi, es isch mer vorcho wie imene jungel oder so. nochher hets gheisse retour laufe und am endi het nur de warm bus uf eus gwartet ou nei. aber den simer is camp retour wo mer die nacht gschlofe hend au wieder i dzelt und doet hemer choene go bade im pool. die hend so gar es chlises sprudel bad gha. isch da en luxus gsi. nochem znacht simer gli is bett, aber huet is no wermer gsi wie die letscht nacht. so zerscht hemer duer d`zelt dure mitenand gschnoerred will niemert het choene penne und den simer no 4te uebrig gsi wo au am 11i noni hend choene schlofe und den hemer entschiede i d`kuchi goge schlofe wills doet en fenti gha het. isch luschtig gsi, zerscht hemer no ciao sepp gspielt. und den hets gheisse guet nacht am 12i. de irlender, ei hollenderin und d`sarah und i hend i de chuchi gschlofe. i und d`sarah uf em tisch und die andere 2 am bode. funny. da musch au emol erlebt ha. am morge het eus de paul gweckt will er s`zmorge isch go parat macht i de chuchi, i glaub de het grad nochli gstuuunt wo er eus gseh het. mir hend zwor nid lang gschlofe aber guet.

14. Merz
huet isch au scho wieder de letsch tag, isch eigentli schad, wil mer immer en besseri gruppe worde sind, so langsam het mer die einte chli besser kenneglernt.
janu, huet simer in suede vom kakadu nationalpark gfahre und doet hemer nomol en en glich lange walk gha wie gester, so ein weg 3km. und am endi vom erste weg het wieder en wasserfall uf eus gwartet. juhui. s`retour laufe isch au mega schnell verbi gange will i die ganz ziit mit de sarah plauderlet han.
nochher hemer no en letschte stop bimene andere wasserfall gmacht und den hets gheisse zmittag esse und retour richtig darwin.
im backpacker han i den duschi gno und den bin i zum irlender is zimmer, will er isch no 2 nacht in darwin blobe. und den hemer nochli gschnoerred und am 7.30pm simer den de denmerkler go abhole und hend de rescht vo de junge truppe troffe zum goge znacht esse. noch de 9ne han i scho wieder musse go will de shuttel bus zum flughafe gli gange isch. den han i rasch ihchecked wa fuer inland flueg mega eifach isch und nid schnell erledigt isch. und den han i 2.5h muesse warte. im flug noch sydney han i die ganz ziit pennt will i so mued gsi bin. han sogar s`zmorge verpasst. am flughafe in darwin het mi de barry abgholt, da isch de homestay vater. isch mega lieb gsi, bin froh gsi het mich oeber abgholt. und den simer zum hues gange und doet het d`leonie, dmutter uf eus gwartet und den hemer zmoergelet und den bin i chli go pfuuse. gneuers ueber d`familie und manly schribe i noegscht mol