Erster Bericht aus Manly

Hallo mini Fruende

So endli chum i de zue vo Manly zschribe, bin doch scho 1.5 wuche do.
Also fanged mir doch vorne ah. am 15. merz bin i am morge frueh in sydney ahcho, min homestay father isch mi cho abhole. hei bin i froh gsi, i glaub mit de oeffentliche verkehrsmittel wer das en horror worde fuer mich, mit all mim gepeck und emene neue system ect.
wo mer i de familie ahcho sind, het mich d`leoni d`mutter willkomme gheisse, den hemer zeme zmoergelet und den bin i fuer s`erste emol is bett go pfuuse. am nomitag hends mer manly chli zeiged. in manly isch en aldi, mega komisch de do in australie ahztreffe.

also zu minere neue familie. es isch en australischi familie. de vater heisst barrie, d`mutter heisst leonie und den hends en sohn de isch glich alt wie ih und er heisst harrison, und en juengeri tochter si heisst olivia. sind all mega liebi, has glaub wieder super breicht mit minere familie. d`mutter isch mega en gsproechigi, mit de kinde han i bis jetzt noni so vill gredet, i glaub das brucht chli ziit, i weiss au nid wie i das finde wuerd wenn all 3moenet neui studente choemed. ih de glich familie isch no de ludo, er isch us genf, also er red franzoesisch, isch chli en komische kauz. vorallem en mega fuule.

erste schultag
am erste schultag hemer zerscht emol muesse tests mache ect. isch luschtig gsi am morge wo mer gwartet hend han i d`katrin ahtroffe, si isch us appezell usserorde, mir hend aber in english gredet.
wo mer de test fertig gha hend simer uf de balkon doet hemer d`lidia troffe, lebt in moment in como, isch aber halbsch italie part schwizerin.
meistens bin i mit dene 2nette fraue unterwegs. hends immer mega guet zeme. den sind no 3anderi schwizerinne wo amigs mit eus zmittag essed. die reded aber meistens duetsch, find i nid so toll. und ih de klass vo de katrin isch no d`juliana glaub noechi winterthur wo jetzt au meistens mit eus zeme isch.
also i wuerd sege mini beste fruende im moment sind d`katrin und d`lidia und au d`juliana.

0stere
an ostere simer immer zeme umeghueneret, katrin, lidia und ih und d`sonja isch ih de glich homestay family wie d`lidia.
am fritig simer serst mol uf sydney gange. hei isch das en grossi stadt, i glaub das wer nuet fuer mich doet ih d`schul zgo. wend dur d`strosse laufsch isch eifach rechts und links nur riese hochhuesser. ah dem tag simer in wild life park gange. isch no cool gsi. nochher hemer zmittag gesse am drue und den simer langsam hei gange.
am samschtig han i d`hiromi in sydney troffe, si isch eini vo mine kollegine in perthg si. si isch fuer das wucheendi in sydney gsi. isch mega schoen gsi wieder oeper ztreffe vo perth. het richtig guet do.
am sunntig simer euses grueppli wieder uf sydney, huet isch en easy tag ahgseit gsi mir sind in london bus gsesse und hend d`stadt rundfahrt gmacht, das mer chli en ueberblick bechoemed. isch mega gmuetlich gsi ih dem bus uf em ofene deck zsitze und dur d`stadt zduesse.
am mentig simer den an dee why beach gange. isch mega en schoene strand. het eifach recht welle. wie ah de meiste strends in australie. isch au mega luschtig gsi. hend chli volleyball gspielt und sind chli go welle gumpe und undertauche.

Und den isch scho wieder zischtig gsi und es het wieder gheisse ab die post i dschul.
chli zu de schul.
mir hend en mega doofe stundeplan. mir started mit de schul erscht am 10.25 am morge und den hemer mittagspause am 13.30 fuer ei stund und den hemer no bis am 16.35 schul. jo nochher musch scho fascht heigo will`s am 7ni znacht git. isch mega doof. i wuerds beforzuege wenn mer fruener startet und fruener ufhoered den hended mir au nochli ziit noch de schul oebis zunderneh.
Ih bin jetzt i de first cambridge klass. d`schul selber isch nid so ahstrended aber mir hend immer um die 2h huusufgabe zmache. da isch recht hert. bin meistens bis oebe am 10ni zobe am ufzgi zmache.
was schoen isch ah de schul mir gsend grad an strand. isch uf de andere strossesite. chan eim aber dememntsprechend au ablenke.
gester noch de schul simer ah es bbq gange mit de schul. d`schul het jede tag en aktivitet wod chasch mache und au am wucheendi bueteds sache ah zum mache. hend es mega guets programm.

no rasch zu manly selber.
manly isch es mega schoens staedtli, isch nid so gross, mir het d`uebersicht wo was isch. was ganz anders isch gegeueber perth isch, das recht huegelig isch. nid so flach.
wa ih bsunders gern han, isch de free bus. si hend en gratis bus. am morge go i immer mit dem ih dschul. also zerscht lauft i 20min un den nimm i de bus. zum laufe i uf manly hend i um die 45min.
am obe chan i leider nid immer de bus neh, will de letscht bus got am 17.20.
de bus selber isch aber no relativ tuer wend de normal nimsch. find i emel.

jo i glaub das wers fuer de moment wieder.

liebi gruess us manly
sendet euch d`margot