2. Teil Reisebericht

1. Merz
Also euse erst stop am erste Tag isch gsi zum zmoergele. mir hend pie versucht, da isch en art kaeschuechli aber mit kangeroo und emu fleisch dine. ih de ziit wo mer hend muesse warte hemer d`emu choene fuettere. isch no cool gsi. de pie isch au nid schlecht gsi, aber han nid speziell gmerkt das fleisch anders schmoeckt wie normals fleisch.
Euse next stop isch inere cave gsi, das isch en stallakmiten hoehle. isch mega schoen gsi. und ihrdruecklich wie gross die sind. und den chunt`s euses zmittag hemer gesse wo mer au hend choene bier drinke. i drienke jo normal kei bier aber dem bier hes nid ahgmerkt das bier isch. i han es mango bier gha wau isch das fein gsi. doet hends ganz vill verschiedeni bier. z.b ginger, schoggi, passionsfruit ect. isch mega cool gsi. mit dem bier wer i au happy. ;-)
Nochem zmittag simer in wienery go wein degustiere i han aber kei probiert. werdend die andere wie drunke hend het mich ei japanerin s`zehle vo 1-10 in japanisch glernt. nocher simer ih dschoggi fabrik, doet han i natuerlich au schoggi probiert isch nid schlecht gsi. noch de schoggi fabrik simer an strand in margret river, doet hemer choene de surfer zueluege, zum schwuemme is aber eiduetig zchalt gsi. ajo wo mer ah de strand gfahre sind hemer im bus gueb surfe. da isch so gange, alli hend muesse uf de sitz stoh und den wehrend si gfahre isch hemer muesse luege das mer nid ab em sitz gheit sind voll funny.fuer snacht hemer bbq gmacht, i han muesse boelle schniede, hei sind mir traene glofe. 8boelle. uiuiui.

2. Merz
Euse erst stop isch huet imene wald gsi. wo mer hend choene uf en baum chletere, die hend eisenstangen in baum ihghaue und den het mer choene drufchletere, 75meter hoech i han aber nochem 1. stop, stop gmacht. isch mer zhoech worde. nochher hemer de tree top walk gmacht, do laufsch du ueber en brug i de hoechi vo 40meter dur baeum. also du bisch immer ah de spitze vo de baeum mega cool und das sind den riesigi baeum.
Nochem zmittag simer in Denmark an strand, wau so en schoene strand han i no nie gseh, es isch innere bucht gsi und es het mega vill abgrundeti groesseri stei gha. so mir hend choene im meer uf de stei go suennele. eifach wundervoll, swasser isch aber recht chalt gsi.
euse letsch stopp hemer anere steibrugg ueberem meer gmacht, hei das het den usgseht ueber die brug wuerd i nie laufe, i weiss nid mir doerf sehrwohrschindli au nid, will es isch recht en steili brug und wenn mer abgheit isch mer i de welle fom meer. uf em weg ih eusi unterkunft het d`brydie gmeint si heg en toti schlange gseh, so mir sind wieder umkehrt zum das go ahluege, hend aber den festgstellt das nur en veloreife gsi isch, hei isch das luschtig gsi. am obe im backpacker hemer karte gspielt und doet han i au no d`livia per zufall troffe, si isch in perth mit mir i die glich klass.

3. Merz
Huet am morge isch en strenge morge gsi, mir sind uf eine vo de hoechste berge in west australie chleteret, glofe, hei isch das ahstrengend gsi 2h hemer gha bis mer dobe gsi sind und es isch immer nur oebsi gange. de berg isch uf die 1000meter hoech gsi. nochem chletere het lunch geh und den heits gheisse langi auto fahrt zu eusem hostel in esperance. ih glaub es sind all froh gsi hemer eus chli choene erhole im bus. zum znacht hets lasagne geh und mir hend ciao sepp gspielt. isch no luschtig gsi. mir hend au es guets zimmer gha eusi gruppe isch ih eim ruum gsi.

4. Merz
Zum zmorge hemer omelette gha, wau richtig luxus. huet hets wieder bergstiege gheisse, aber damol nid so en riese berg, noch 45minute obsi laufe hemer d`spitze scho erreicht. isch en wundervolli ussicht gsi uf all die schoene strend. wo mer wieder dunne gsi sind simer in esperance an strand. wau sind die strend schoen, schnee wiese sand, und so clars wasser, aber au chalt. nochere stund simer an en andere strand wo mer den zmittag gha hend und au nomol hend choene go bade. leider hets am strand nie schatte, aber zum glueck het sich niemert wuerklich verbroennt. schwein gha. zum znacht hemer wieder es bbq gha.

5. Merz
Huet simer vo Esperance nach Kalgoorlie gfahre. womer in es miene loch abegstiege sind und hend choene luege wie`s gold gmacht hend. isch no intressant gsi. aber zu heiss, es isch um die 45grad gsi huet. den hemer am obe no gseh wies en sprengig gmacht hend inere miene und den hets gheisse abschied neh vo dene persone wo nid uf alice spring goend sondern wieder retour uf perth. und den simer in en andere bus gange. euse bus isch de party bus gsi hend immer musig glost unds luschtig gha, aber im neue bus isch nid d`red gsi vomene party bus. es het no elteri luet gha wo das nid so luschtig gfunde hend. aber grad will mer immer so lang hend muesse bus fahre ih de wuesti wers no wichtig gsi das mer hended chli choene luut musig lose und singe. am 7ni hemer euses camp ufgstellt. also besser gseit euse speziell schlofsack fuer d`nacht parat gmacht. also euse schlofsack hemer in andere iedo. den hemer im dunkle bbq gmacht und ajo wa luschtig gsi isch, wenn mer uf s`wc hend muesse hets gheisse es loch budle und doet ih dis gschaeft zmache. isch no luschtig gsi. die erst nacht underem sternehimmel isch mega warm gsi, han nid alzu guet gschlofe wills so warm gsi isch.