Fotos

Meine Reiseplaene

Hallo

han in kuerzi no mini Reiseplen welle schribe fuer di noegschte 2 wuche. d`details choemed den spoeter.
Zerscht mach i en 10tages trip vo perth to esperance (in suede vo perth) und den vo esperance to alice spring da querfeld ein dur d`wuesti, bin mega gspannt wie das wird. wen i z`alice spring ahchume penn ei nacht doete und den gots mit em flugi uf Darmin. In Darwin mach i en 3Tage Trip in Kakadu nationalpark. Und den gots uf Sydney zu minere neu Homestay Familie und minere Neu Schul. Jo das wers so in Kuerze.

Im moment bin i no mini letscht wuche in Perth am gnuesse. bin immer unterwegs. treffe mich no letschti mol mit mine kollege und hald no es paar sache bsorge und alles wichtige no erledige. morn isch packe ahgseit, i han glaub chli vill gepeck. jo mol luege oeb alles platz het i mim rucksack.

see you
margot

Sorry fuer d`Fotoshow

Sorry fuer d`foti diashow. aber i has nid choene andere, das inere andere reihefolg chunt. hoff das snoegscht mol wieder got.
i bin momentan mini letscht wuche do in perth am gnuesse, bin immer unterwegs, es woend mi all nomol gseh. so han i immer oebis los. fascht chli vill.

liebs gruessli
margot

Rottnest Island

Hallo zeme

Am Sunntig isch scho am 6.15 Tagwach ahgseit gsi. Will am 8i isch min erst Zug richtig Stadt gsi. Vom Bahnhof hemer no muesse 10min laufe und den am Ferry steg hend scho die restliche 3 Kollege gwartet. Schlussendli simer 6te gsi.
2 Brasilianer, 2 Japanerinne und 2 schwizerinne. Isch es glatts grueppli gsi. Am morge simer noni so gueter hoffnig gsi das da en guete tag wird. will es het chli ahfo regne und uf de ferry hets mega gschauklet. im einte brasilianer is recht schlecht worde. noch 2h simer den endli uf rottnest acho. doet hets gheisse bike fasse und ab die post. s`wetter isch mittlerwile chli besser gsi. d`sunne het chli gschunne und es isch grad ahgnehm warm gsi zum velo fahre. also eigentli hemer perfekt troffe gha mit em wetter. wenns wermer gsi wer, wers nueme so schoen gsi zum velo fahre. aber so han is richtig gnosse wieder emol mit em velo chli unterwegs zsi. noch oebe enere stund hemer den mittags pause gmacht amene strand. wau sind die straend traumhaft schoen gsi. richtig klars wasser. eifach beautiful. Nochem zmittag simer den wieter richti Luechtturm. uf em weg doethi hemer den quokkas ahtroffe. das sind fuer mich mini kangeroo. si sind wuerklich mega chli. oebe so gross wie en hase oder so. quokkas gits nur uf rottnest island. wo mer den endli uf em luechtturm vorplatz ahcho sind, hemer so richtig d`ussicht ueber d`insle gnosse und den simer an noegschte und letschte strand. wil am 4ri isch eusi ferry leider scho wieder retour. jo mir hend en mega coole tag gha. nur leider chli zkurs.

Am letschte Donschtig hemer richtig schlechts wetter gha. da isch den en tag gsi! Am morge frueh hets scho mega gschiffed, het nueme welle stoppe. jo i bin uf de bus am warte gsi. de bus het schlussendli en halb stund verspoetig gha und de zug isch au zspoot dra gsi. jo so simmer schlussendli vill z`spoot i de schul ahcho. i und d`tina (koreanerin wo au in bassendean wohnt, fahred amgis zeme ih dschul)hend den entschiede das mer zerscht en warmi schoggi drinked befor mer i dschul goend, zum eus wieder chli ufwerme. sind mega nass gsi. obwohl mer en schirm gha hend.ajo snoegschte schlechte isch gsi de lift isch nid in betrieb gsi.i de klass simer den au nur 6te gsi vo 15te. jo hend den schlussendli en film gluegt voll gedige.
noch de schul bin i mit mine 2koreanerinne fruendine (eileen und christine) ih de eileen ihres koreanische restaurant go esse isch mega fein gsi. nochher hemer en chinesische traditionelle tanz gseh. isch ebe neujohr gsi in china und korea am 7te februar. jo schlussendli is den ganz en gmuetliche tag gsi.

Am fritig hemer mit de Nomitagklass es barbecue gha. isch mega gedige gsi. die eint Thailenderin het poulet und schweinsfleisch vorbereitet und den hemer spiessli gmacht isch mega fein gsi. und es isch nid so warm gsi perfekt fuer es barbecue.

am samschtig simer uf rockinghem zu de pinguin island. isch mega cool gsi. de buschauffeur isch en oestricher wo aber do lebt. jo han chli mit ihm gschnored, aber isch peinlich gsi wie schlecht mis hochduetsch gsi isch. aber i bin im moment im englisch und so is mega schwer in hochduetsch.
mir sind den vo rockinghem zu de pinguin island glofe dur swasser. isch mega luschtig gsi, zum teil is wasser bis ueber d`bruescht cho und jo so hemer den eusi tesche uf de kopf gno. wird au luschtig usgseh ha. aber isch es guets erlebnis gsi. hend uf de insle aber leider nur 2pinguine gseh. die verstecked sich ebe immer. de strand isch au mega schoen gsi. han en chline sunnebrand im gsicht. janu.

am sunntig simer uf de swan bell tower. isch au mega schoen gsi. si hend grad d`glockene gspielt so is no intressanter gsi. z`gseh wie si spieled. jo isch cool gsi.

so das wers wieder emol so oebe.

liebs gruessli
margot

hallo zeme

danke villmol fuer d`kommentaer, i liebs kommentaer vo euch s`lese.
bi mir gits nid wuerklich news. gester bin i mit 2koreanerinne im waffel shop gsi, jede zischtig isch waffel day, wills halbe pris isch. jo und den hemer 3h gschnoered, mega schnederi wieber.
nei i bin nid im schwizer club ah de fasnacht gsi, bin zkaputt gsi und es wer glaub recht wiet ehweg gsi vo mim huus, han mi entschiede den noegscht johr wieder so richtig fasnacht zfiere.
wie isch d`fasnacht so ih de schwiz gsi, de fasnachts umzug und so?
morn go i mit 2koreanerinne, in es koreanisch restaurant go esse. bin jo gspannt was git.

so mue wieder schluss mache, mue wieder i dschul.

liebs gruessli usem warme australie
sendet euch d`margot