zwoiti Foetelirundi

Keis Speziells Thema

Zerscht mol danke, fuer die wo en kommentar uf min page gschribe hend. han mi mega gfreut.
rebi: i wird euch nie vergesse, au wenn so en langi distanz zwuesche eus isch. wie choent i au.

han nomol en foti show gmacht, hei das brucht au immer ziit, bin en ganzi stund dra gsi. die noegscht chunt sehrwohrschindli bevor i den go goge reise, endi februar.
ajo bi dere fotishow sind die meiste foeteli vo mim Monkey Mia trip.

rasch no zu mim letschte wucheendi. bin uf bunbury, de kyle (australier) go bsuche. isch mega cool gsi. am samschtig isch no australie nationalfiertig gsi und jo den simer am obe go es fuehrwerk go ahluege. am mentig han i dank em nationaltag frei gha, juhui.

sit am letscht sunntig isch wieder en neui koreanerin ih minere familie. si heisst kate. han en ganz guet ihdruck vo ihre. gester hemer oebe 1h gschnederet. si red sern gern, aber da isch jetzt nid negativ gmeint.
am wucheendi zeig ih ihre d`stadt chli und am sunntig goemer sehrwohrschindli go bade.

isch luschtig i de schul hets immer meh wo allei muend esse, somit simer noegscht wuche 4persone, wo sich gfunde hend, well all au allei gsi werded, mega luschtig.

morn obe isch wieder abschiedsfestli vo 3japanerine. janu. wirds ueberlebe.

also weiss nuet wuerklich intressants zverzelle.

wuensch eu allne en schoeni ziit im winter und wenn er i d`berge goend gnuesseds chli fuer mich.

liebs gruessli
margot

Last Weekend

Hallo zeme

Wet no rasch en kurzi zemefassig vo mim letschte wucheendi schribe das er wieder ufem laufende stand sind.
am donnschtig obe hemer abschiedsfest gha vo de miyuki. isch mega gmuetlich gsi, mir hend es bbq gha, da mol mit japanische gricht, isch mega fein gsi. schlussendli simer oebe 25 luet gsi, isch amigs luschtig jede ladt no jede ih. leider simer erscht uf de 12i zug gange und den hemer es taxi gno in bassendean. de bschiss isch gsi, das mer 45minute uf s`taxi hend muesse warte, wenn mer da gwuesst gha hended, werded mir au glofe. schlussendli hemer nur 5h gschlofe, jo da isch en herte fritig gsi i de schul. am obe bin i den ah de tamara ihres abschiedsfestli isch au mega glatt gsi. mir sind uf fremantel zerscht in en pup und nochher no in en club. da isch au guet gsi, das in club cho bisch hesch de pass brucht und si hend en fingerabdruck gmacht vo mim finger. mega speziel. jo schlussendli simer den 4te gsi im nightclub. isch mega luschtig gsi. aber au ah dem tag is sacke spoot worde. mir sind noch de 5ne deheime gsi und hend am 8.45 scho wieder uf muesse. uf die 3 am nomitag bin i de paul keller go bsuche. isch mega lessig gsi, zum znacht hemer grilliert, han mi wie deheime gfuehlt. sie wohned chli abseits, isch mega schoen doet. er arbetet im moment uf em bau und si chocht 3teg im tag vertig produkt.
am sunntig uf die 13.45 bin i ih d`stadt, han d`rie nomol troffe sletsch mol bevor si perth verloh het. und den hemer eifach imene gmuetliche cafi gschnoerded, sind obe 8 persone gsi. mega gmuetlich und den simer hei und bevor mer is bett sind han i und d`miyuki no en film gluegt mit popcorn und champagner.
jo und den isch scho mentig gsi und es het gseisse abschied neh vo de miyuki. da isch so hert gsi. jetzt isch mega komisch am liebschte wuerd i amigs ih ihres zimmer go und mit ihre plauderle aber es isch kei miyuki ume. vermiss si mega. jo da wers glaub so in kurze.

wuensch eu allne no en schoene rest vo de wuche
liebs gruessli
margot

Die erste Foeteli

Hallo zeme

i hoff ihr sind jetzt happy das ihr die erste Foeteli vo mir gseh choend.

Noegscht wuche wenn i irgendeinisch chli ziit han go i nomol is internet cafi und mach nomol en diashow. mit em 2. teil vo de foeteli wo i jetzt uf cd broent han.

liebs gruessli
margot

Foto`s

Sky Diving

Zerscht zum Thema Sky Diving (Fallschirm springe). I bin gester mit de Miyuki go Fallschirm springe. Isch mega cool gsi. Zerscht hemer 1.5h muesse Auto fahre. Den simer in York ahcho, isch es chlises Keffli im Niemandsland. Sind den nochli nebeuse. und doet hends en halle ufgstellt. Will mir en Tandem Sprung gmacht hend, hemer nur oebe 5minute Training gha und den hets scho gheisse ahlege und ab die Post is flugi. Min Partner isch de Andi gsi. Mir sind als erschts usejampt vom flug. Wo mer uf 8000feet gsi sind, hets gheisste let`s go!!! Bin froh gsi han i ihn gha, i glaub allei wer i nid usegumpet. I bin ah ihm ghanged und eigentli scho usem Flugi gsi, wo er immer no in Flugi inne gsi isch und den het er en Jamp gmacht und schwubs simer dusse gsi. Isch uh hammer geil gsi. Noch obe 30sec. Het er den de Fallschirm ufgmacht und den isch gmuetlichs fluege ahgseit gsi. Han den de Fallschirm au emol doerfe stuere. Mega cool. Wend uf de ein site mega fest abeziehsch, drehits sich mega schnell wie es karusel vol witzig. leider simer zwuesche 5 und 10minute scho wieder glandet. Wer am liebschte grad nomol gange oder eifach lenger. Bin froh han is gmacht, isch es mega cools Erlebnis gsi. Nur is leider chli tuer, da heisst i wirds nid grad wieder mache.

Bin immer no recht vercheltet, nervt mi mega, am Samschtig han i fast de ganz nomitag pennt, has glaub eifach brucht. Die wuche wird au nomol chli en strengi wuche, will 3 vo mine beste kollegine verloend perth ahfangs nogscht wuche und jo jetzt mached mir hald no moeglichst vill zeme. d`Miyuki wird i vo dene 3 am meiste vermisse. Si got am noegscht mentig am morge. Den isch no d`tamara. si isch mit mir i de KV-Schul gsi. Huet duemer ih ihrere Familie Aelplermageroni choche. und den isch no d`Rie wo au am mentig got. hmm.... wird die all mega vermisse. es goend jetzt eh vorzu all mini beste kollegine do. :-(

so mach wieder schluss, es het en ganzi Reihe vo Luet wo wartet das is Internet choend.

News der Woche

Hallo zeme

Han wieder es paar intressanti sache z`verzelle.

Am Mittwuch noch de Schul bin i mit de Eileen (koreanerin) mit de Schulaktivitaet go segle. isch mega luschtig gsi. mir sind z`dritte uf somene segelboetli gsi. super oder all ahfenger, hends den aber guet gschafft zum abfahre und hoppla den hets grad chli speed geh, ou wie bremsed mir jetzt. hends den usegfunde. wenn mer amigs en kurve hend welle mache simmer zmizt i de kurve stecke bliebe will mer kei wind meh gha hend. und den isch de wind uf einisch cho und s`segel hets voll umedetsch hend zwoi mol mega schwein gha das mer segel nid an grind becho hend. chli glueck mue mer hald au ha. und s`beste isch gsi, nochere minute simmer scho pflodi nass gsi. nei mir sind nid is wasser gheit, aber es het so gspruetzt, hend scho gseit wen mer nomol goend nur no mit bikini. will nochher mit dene nasse kleider de ganz weg hei isch nid so de hit gsi.

Gester nomitag han i s`erst mol d`schuel gschwenzt. eigentli han i , d`tamara und d`celina (argentinerin wo i de tamara ihrere schul gsi isch) welle es auto miete und en strand tour mache. isch din aber chli kompliziert worde mit em auto miete, zum teil het mer 25gi muesse si, und wo nid hemer keis navi gret gha. jo schlussendli hemer gseit egal mir goend doch eifach an strand und fertig. jo isch den mega gedige gsi. d`celina isch en mega luschtigi, si chan uh guet englisch und isch es mega schnederwieb. gester is nid so warm gsi nur oebe 25grad. jo han mi den schoen verbrennt am strand. obwohl i mi mit em 40gi ihgremt han. isch no luschtig nur so fleckewies am rugge. bin grad nochli verschrocke wo is gseh han. wil noch em strand bin ih und d`tamara zu ihre hei go dusche und den han i scho gseh chli rot, aber wuerklich nur chli. nochem dusche, simer is schwizer restaurant go esse. isch no fein gsi, aber i glaub es isch meh es duetsch restaurant. und doet het d`tamara no gseit si hegs glaub recht verbroent und den han i no so gseit i glaub mich nid so fest. im zug han is den chli gmerkt das chli zieht. aber nid meh. jo da isch au no guet gsi, hemer zerscht de zug i die falsch richtig gno will niened oebis ahgschribe gsi isch. ups... wil i den nid grad en zug hei gha hend han i im prospero gschribe oeb er wet taxi chauffeur spiele. also nur wenn er ziit het suscht wart i uf de letsch bus. jo den het er mir ahgluet wen er mi soell go hole. isch mega cool gsi. han en privat chauffeur gha. hans mit em prospero eh immer besser. chasch richtig guet witzle mit ihm und musch eifach lieb froge und den doerfsch amgis scho und ebe den fahrt er scho. den isch au no guet gsi. bin i am bahnhof usgstiege und d`stege deruf glofe und den liet 120 dollar am bode. i has so ufgno und gluegt oebs echt oeber hend choene verlore ha oder oebs oeber sucht isch aber nuet gsi. de ma nebe mir het nur gmeint chum nimms scho, da isch glueck. jo has den schlussendli gno. will die wo vor eus glofe sind hens sicher nid verlore den hendeds mir gseh. voll cool gsi. jo den bin i dehei ahcho. han i zerscht chli mit de miyuki gschnoeret und den wo i han welle s`pischi ahlege bini grad chli verschrocke wie knallrot i am rugge bin. uh scheisse. jo bis jetzt gots biessts noni. i hoff es foet nid ah biesse. da isch amigs smuehsamschte. jo das wered oebe so d`news. ajo bin mega mued, bin froh wenn i noch oebe 2wuche vilicht wieder emol es ruehigers wucheendi han und wieder emol so richtig lang schlofe chan.

wuensch eu allne es schoens wucheendi

Wochenende

Hallo zeme

so han es rechts erlebnisrichs wucheendi hinder mir.
am fritig obe noch de schul bin i emol hei und eifach chli deheime gsi und chli mit de miyuki plauderlet. will am samschtig isch am 6i tagwach ahgseit gsi. i und d`miyuki sind uf fremantel is gfaengnis doet hemer en tunnel tour gmacht. isch voll cool gsi. zerscht hemer en alcohol test muesse mache das mer au jo kei alkohol im blut hend. nochher hemer so es cool tunnel arbeiter kostuem uebercho. und den isch 17meter abeklettere ahgseit gsi. isch voll cool gsi. nochher simer dur de tunnel gebueckt glofe und als schluss imer im tunnel kanu gfahre. i und dmiyuki hends nid so im griff gha mit stuere. aber sind immer am richtige ort ahcho. ;-)
noch dere tuur simer mexikanisch go esse und den gedige dur de maert glofe. und natuerlich hemer wieder en mango kauft und di im schatte undere palme gesse. mega lessig gsi. und den hemer eus den langsam uf de retour weg gmacht. wo i de heime acho bin han i gschwaesche und gstaubsuged. will am sunntig bin i am 7.30 uhgstande. han mi noch de 10ne mit em kyle in fremantel troffe zum go bade. swasser isch mega chalt gsi, i han mi den aber glich ueber wunde zum go schwuemme, de kyle hets nid gschaft is wasser zcho. d`australier sind sich vilicht ah wermers wasser gwoent i weiss es au nid. isch emel mega gmuetlich gsi. noch de 1sne han i scho wieder de zug muesse neh uf perth. will doet han i mit de tamara abgmacht fuer in zoo. isch en mega schoene zoo aber mir hend fascht chli wenig ziit gha. und vill tier hend sich vor de hitz verchroche und so hemer nid alzu vill gseh. jo und den bin i am 7ni wieder deheime acho. jo bin immer unterwegs gsi. und noegscht wucheendi wird sehrwohrschindli nid besser janu.

also wuensch eu allne no en guete wuche start

liebs gruessli
margot

Monkey Mia

Hallo zeme

i bis scho wieder. so jetzt lueged mir emol was i no weiss vom monkey mia tripp.
am mittwuch am 7.15 uhr simer z`perth abgfahre. mir sind 22 touriste gsi. 2franzose, 2 fransosisch sprechendi schwizer, 1 serb, ih und de rest alles japanerinne und ah jo ein enlender und den natuerlich de guide, da isch en australier gsi. de graham.
euse erscht stop isch bi de pinacles gsi, das sind so felse wo usem bode wachsed, so spizigi, het ganz vill devo. ueber de mittag hemer choene go bade, het richtig guet do, will es isch um die 40 grad gsi, zum reise definitiv z`warm. nochem zmittag (sandwich) simer go sand boarding fahre. isch no cool gsi, isch en art es snowboard den hocksch doet druf und sutschisch en sandhuegel derab. wer gern mermols gange, aber de ufstieg im sand isch zahstrengend gsi ih dere hitz, mer isch immer wieder ihgsunke im sand. ein schwizer (vo de andere gruppe) hets gwogt und isch snowboard messig abegfahre und er isch wuerklich nid um gheit.
am halbi achti zobe simer den bi eusere unterkunft acho, isch es motel gsi, mir sind z`achte i eim zimmer gsi. den hemer als erschts euses barbecue koched. isch mega fein gsi, en art bamigorean. leider hemer de sunneuntergange knapp verpasst.
am noegschte tag isch am 6i tagwach gsi und mir sind am 7.30 ufbroche richtig schlucht. hei isch das ahstrengend gsi, am morge frueh scho en sau hitz, aber es isch schoen gsi. noch de schlucht simer wieder retour ih eusi unterkunft euses gepaeck go hole und doet hemer choene go bade und den hets hamburger zum zmittag geh.
Am obe simer bim strand bi eusere unterkunft go schwuemme und damol hemer de sunneuntergange nid verpasst, isch mega schoen gsi. und natuerlich hemers immer luschtig gha. im bus hemer amigs musig glost isch sau glatt gsi.
am dritte tag simer d`delfin go ahluege, hend si nid choene streichle, aber si sind uh neuch am stand gsi, vilicht en meter vo eus weg. noch dem sind i und d`shige uf en aboriginal tour gange. da isch den intressant gsi, er het eus sache zeigt und verzellt wo mir vorher beid nid gwusst hend. isch ihdruecklich gsi. und mir hend es guets fluegenetz gha, da isch sbeste gsi. emol ruh vo dene doofe fluege die ganz ziit. noch dem simmer an shell beach gange, doet hets kei sand, defuer alles ganz chlini muescheli mega schoen.
und den hemer am obe ufere farm uebernachtet, mir sind nur 3te immene 6er zimmer gsi, voll gedige. am letschte tag isch heigo ahgseit gsi. zerscht hemer no en prinz bsucht, isch aber en mega alte mah gsi, aber egal es isch en prinz. isch aber nid so intressant gsi. den simer no in en park gange doet hemer kangeru choene fuettere und streichle. mega cool. und mir hend schlage chone heme, i han die chli ghempt, fuuer di mittler und die gross han i mi nid getraut.
jo am 6.30 zobe simer wieder deheime gsi. es isch en mega coole tripp gsi, aber uf en art bin i au froh gsi wieder deheime zsi. da lange busfahre die ganz ziit und die hitz. jo, aber wie gseit es isch cool gsi. so das wer so sgrobe vo im tripp gsi.

liebs gruessli
margot

Wiehnachte und Silvester

Hallo zeme

als ander erschts wuensch i eu allne es guets neus johr.

so zu minere wiehnachte in australie. i han do leider kei wiehnachte gha, will jo mini familie zeugen jehovas isch. i und d`miyuki hend jo eigentli an strand welle go, aber si isch den so halbe krank gsi und den simer hald deheime blobe und hend billiard gspielt. isch mega luschtig gsi. aber fuer mi is en ganz normale tag gsi, nuet speziels. han i chli schad gfunde, han denkt gha das johr chan i emol wiehnachte chli anders fiere aber isch nuet drus worde. janu. defuer isch silvester ganz luschtig gsi. mir sind 13 luet gsi, japanerinne und koreannerine und koreaner und i als einzigi schwizerin wie oebe immer. aber isch keis problem fuer mi, si sind al so lieb zu mir. mir hend eus am halbi zehni in perth i de stadt troffe und sind zum kings park glofe. da isch en mega schoene park chli hoecher obe glege den dstadt. doet simer den uf dwiese ghocked und hends mega luschtig gha und einisch sind no anderi kollege doet gsi schlussendli simer denk um die 20 persone gsi. mir hends mega luschtig gha. am 12i hemer den sfuerwerk gsi wos i de northbridge (party viertel) abgloh hend. am 1 am morge hemer leider scho wieder muesse langsam retour will euse letscht zug am 2 gfahre isch. wo mer den in bassendean ahcho sind, hemer no en 40minuetige marsch vor eus gha. ajo sit em 28 dez. lebt no en koreanerin mit eus, ihre name isch yuna. isch chli en spezielli. so wie mini erschte ihdrueck sind. jo mol luege. si isch emol au mit eus unterwegs gsi an silvester mit ihrere kollegin und die isch den eis vo gschneglet. het lang brucht das si tschegt het das si chli zulaufe soet, wenn nid hemer kei zug meh retour. aber wos ih und dmiyuki ihre das den oebe 4mol gseit het, het sis den au tscheged. jajo. hend emol de zug zum glueck nid verpasst.
defuer han i de zug gester verpasst. i han in frementel die shige (japanerin wo i uf de monkey mia tour troffe han) troffe. mir sind den an strand gange doet. es isch no en australier mitcho. isch en mega liebe. aber hei das isch grad nochli en unterschied zum verstoh, musch den recht lose das de verstohsch. hends aber mega luschtig gha, nochem strand simer nochli go umelaufe und den is backpacker go ping pong spiele. und jo den han i und d`shige grad de zug verpasst, mir hend no gseh wie er abgfahre isch und das het fuer mi gheisse i wird 3min zspot in bassendean ahcho und genau wieder de bus verpasse. jo und somit bin i hald gester nomol heiglofe. d`yuna het de bus au verpasst gha. schlussendli han i den no unterhaltig gha, aber si het mi chli gnervt, si het mi mega sache gfrogt vo australie und so. aber i bin schwizerin und nid australierin und i weiss doch nid wie swetter im winter in australie isch sorry. jajo. han eigentli denkt gha i heg en stille marsch hei wo i mini ruh han. aber isch den nuet druss worde. janu. aber de tag isch glich mega cool gsi. leider got d`shige huet scho wieder wieter richtig melbourne. da isch chli schad do in australie, du lernsch mega vill luet kenne aber si choemed und goend.
ueber min tripp uf monkey mia wird i snoegscht mol schribe wenn i chli ziit han. chan aber scho sege, das mers mega gfalle het unds mega cool gsi isch.

liebs gruessli us australie
margot