Weekend

Hallo zusammen

Also am Donschtig obe isch jo das Abschiedsfestli gsi, isch voll gmuetlich gsi. Han dene 2 japanerinnen no es schoeggeli ge. Han wieder emol gseh, wie vill freud mer oeperem chan zubereite mit sonere Klinigkeit.

Am Frititg noch de Schul hemer eus vo dene 2 japanerinne definitiv verabschieded und sind mit de einte no oebis go trinke im stadtzentrum. Am Obe hend ih und d`miyuki de dvd just married gluegt isch no witzig gsi.

Am Samschtig han i zerscht emol chli usgschlofe und am nomitag bin i mit de miyuki i d`stadt gange go poste. und zwor hemer wiehnachtskarte, sunnebruelle, notizbuech, und suscht no es paar sache postet. isch voll gedige gsi. und zum zfieri simer no en waffle go esse. mhhh... isch die fein gsi.

Am sunntig isch bi mir woeschtag ahgseit gsi, i han serscht mol allei woesch gmacht, han mis zimmer puzt, chli glaese, glernt, und no reisefuehrer gstudiert. eifach chli grelaxt. isch voll gedige gsi.

Gester hemder 1h spoeter schul gha, will ahfangs moment immer so vill neui schueler chomed und den hends lenger zum all die ihstufigstests mache. ih mini morgeklass isch niemert neus cho. defuer sind i de nomitagklass vill neui luet uftaucht wo i vorher no nie gseh han. aber i glaub es isch nur oeper ganz neu gsi. die andere sind glaub eifach no nie am nomitag ih de stund erschiene. noch de schul bin i no go mis zmittag fuer huet und morn poste. i vermisse jetzt scho euses brot. de heime hemer nur toast, i goen mir amigs fuer mis sandwich es broetli vom becker.

ajo bin richtig froh han i mis jeansjaeggli glich mitgno, will i dene schulzimmer und eifach ueberall lauft die ganz ziit dklimaahlag, bin scho serscht mol wege dere chli verkeltet gsi. isch mega nervend die klimaahlag.

i glaub das wers fuer de moment.

vermiss euch

liebs gruessli us australie
margot