Perth als Stadt

I han mir perth ganz anders vorgstellt, als en riesigi Stadt wo mer mega mueh het sich z`recht finde, aber es isch nid so.

I weiss au nid i han sgfuehl perth isch recht chli. Oder besser gseit de Teil vo perth wo i gseh han. Und da isch de Teil wo in Zueri d`Bahnhofstrass isch. Es het zwor mega vill shops, aber alles uf eim huufe, han denkt das isch en riesigi stadt, aber es isch nid so. und den hets no en usgang viertel wo northbridge heisst, evtl. goemer da wucheendi emol go luege was doet so lauft.

Im Stadtzentrum hets sogenanti Cats Buess, mit dene Bus chasch du gratis dur s`stadtzentrum fahre. isch no guet, aber has erscht fang einisch brucht wos gregnet het. will suscht is wie gseit nid so wiet. vo de schul hemer oebe 5min bis is stadtzentrum.

I wohne immene Vorort vo Perth, das sogenannti Bassendean. I glaub perth isch eifach so gross dank all dene Vorort. Jo i glaub das wers oebe so. wenn mer no meh ihfallt meld i mi wieder. ;-)