Nightclub und Coiffeur

Hoi zeme i bis nomol. bin grad imene internet cafi.

gester bin i und d`miyuki im usgang gsi. isch no cool gsi. nur simer vill zfrueh doet gsi. mir hend denkt jo ok de club isch ab em 8ti offe den goemer um die halbi 9ni. d`clubs sind zwor offe gsi, aber wie bi eus i de schwiz lauft erscht oebis ab de 10ne. isch aber mega luschtig gsi. musch kei ihtritt zahle. oder seged mirs emol so nid bi allne. den chasch eifach clubs wechsle wens der nueme passt. und sgetrenk isch au nid so tuer. han gester en malibu gha fuer 6.50 voll billig.
de einiz nochteil am usgang isch das mer hend muesse heilaufe. janu hend au das ueberstande.

huet bin i no bim coiffeur gsi. serscht mol wo mer en asiat d`hoor gschnitte het. und den no en ma. de het en spezielli art gha wie de d`hoor gschnitte het. aber es isch ok. nid perfekt aber OK. isch guet bin i bim coiffeur gsi, ueber wiehnachte hemer 38 grad do in perth. jetzt chunt langsam de summer so richtig.

also no en schoeni ziit im alte johr.

liebs gruessli
margot