Mittwoch Story

Gester noch de Schul bin i mit dem Miyuki am Strand gsi. Es isch uh mega schoen gsi. schoen wiesse Sand eifach perfekt.
S`Wasser isch zwor chli chalt gsi, aber OK. Es het recht welle gha, dorum hemer nid wuerklich choene go schwuemme, isch aber voll gmuetlich gsi.

Mir hend genau plant welle Zug mir naeh woend, das mer den in Bassendean au wuerklich en Busahschluss hend. Mir sind den aber chli zfrueh am Bahnhof gsi und hend en Bus fruener chone neh, dementsprechend simer au 20min fruener in Bassendean gsi. D`Miyuki het eigentli no welle uf s`WC wo mer gseh hend das ah eusere Busstation en Bus stoht. es git 3 busstatione und all buess wo bi de busstation 1 stoend choemer neh zum heifahre.
Also simer losgsecklet das mer de Bus no verwuetschet, de Busfahrer het eus gseh seckle und het aegstra uf eus gwartet, gli het sich aber usegstellt das da nid de richtig bus isch. mir fahred genau i gegerichtig wie normal, super. mir hend den entschiede eifach hocke zbliebe de wird sicher wieder an bahnhof retour fahre und den muemer hald laufe.
Wo die letscht bushaltestell vo dere Rute cho isch frogt eus de Bus Chauffeur wo mir hi soettet, den erklaered mir ihm das mir im falsche bus sind und eigentli ah grey street soettet und jo aber es wer mega lieb wen er eus eifach an bahnhof chan due. er het den aber gseit keis problem er fahri eus zu eusere station. wo d`grey street cho isch het er gfrogt oeb er do richtig seg, mir so jo, er ok den fahr er eus jetzt no zu eusem huus. Isch zwor recht schwer gsi, will die strosse nur fuer autos gmacht sind nid fuer bus. jo schlussendli het er eus genau vor de huustuere abglade, isch uh hurre geil gsi. schlussendli simmer glich no heicho und hend nid muesse laufe. will wenn er eus retour an bahnhof brocht henti hended mir muesse laufe, will suscht hended mir oebe 50min muesse warte. hei das isch so en liebe chauffeur gsi, da werded mir glaub nie meh vergesse. da isch es erlaebnis gsi.

schoens taegli no