Mein Schulweg + normaler Tagesablauf

Uf wunsch vo mim Mami, wet i jetzt immer wenn i ziit han zumene thema chli usfuehrlicher zbrichte. huet han i sthema schulweg gwehlt.

Am morge stoh i zerscht emol noch de 6ne uf. den isch dusche ahgseit und smoergele. zum zmorge is ih immer 2toasts und nutella. den go i entweder uf de 7.15 oder 7.50 bus. natuerlich mue i jede tag zwuesche 5 und 10min uf de bus warte. het immer mega verspoetig isch so doof. janu. noch 5min busfahrt choemed mir am bahnhof in bassendean ah. den fahr i mit em zueg oebe 10min und stiege bi de station MCIver us. Wa bsunders spezielle ah mim schulweg isch, isch das i als erst dur s`krankehuus laufe mue. isch mega komisch. und den hemer no oebe 3min und scho simer i de schul. isch no gedige.

Den han i vom 9ni bis am 12i schul. Ih mine 45min Mittagspause iss i bis Sandwiche wo i deheime gmacht han. ueber de mittag is i meistens mit de eileen (koreanerin wo i de gliche morgeklass isch) und zum teil no mit de rie (si isch die 1.wuche i de glich morgeklass gsi und isch japanerin). am 12.45 fot mini nomitagsklass ah. am 15.00 hemer scho schul us. den is jenachdem verschiede wa i mache. irgendeinisch go i amigs hei. um die 18.30 gits amigs znacht. wenn d`eltere nid i d`chile goend esses mir amigs zeme und suscht hald nur i und d`miyuki. Nochem esse isch abwesche ahgseit, si hend leider kei gschirrweschmaschine. und den mach i amigs no mini ufzgi und bereite mini sandwichs fuer de noegscht tag vor und den go ih amigs um die 9ni is bett. jo das wer oebe so mini normale tagesablauf. i hoff das da gnueg usfuerhlich isch.

wenn oeber en spezielle wunsch het fuer snoegschte ussfuehrlichere thema chan er sich bi mir melde und suscht nimm i eifach da wo mer grad ihfallt.

margot