Familie

So i wet wieder emol chli usfuehrlicher ueber es thema schribe. huet is s`thema familie.

also i wohne bi de familie mukim in bassendean, das isch mit em bus und em zug obe 30min vo perth entfernt.

also zerscht zu de mutter, ihre name isch lanna. si isch en mega ufgstellti und liebi frau. si isch so grosszuegig, die ganz ziit poschtet si fuer eus suesses und so. und wen mir spoeter hei chomed loht si eifach s`esse uf em tisch loh stoh und mir choend selber no esse. mega lieb. s`choche het si au recht im griff. hald anders wie i de schwiz, meh asiatisch. japanisch, chinesisch, indonesisch. meistens is recht guet. freu mi aber immer wieder wens emol teigware git.
d`lanna schafft 4taeg i de wuche glaub ufere poscht. gester isch au herzig gsi, si het gseit wen i kei bus hei han, chan si mi suscht ab de 5ne cho abhole am bahnhof.

den de vater, sin name isch roos. er isch irgendwie zum teil chli en spezielle aber au ganz lieb.
am morge macht er immer als erscht`s sini morge gymnastik. isch no luschtig. den schafft er 2teg i de wuche als lehrer, de rescht isch er de hei. ei mol bin i ihn oebis go froge wo i bi de huusufgabe nid drusscho bin. und den het er mir de unterschied erklert, isch mega lieb si. wa nochli speziell ah ihm isch, er isst nuet wo chaes dra het. meistens isst er immer sis ries. i bin amgis frog wens emol kei ries git.

den no zum sohn. wie jo sicher alli wuessed isch sin name prospero. aber es seged ihm al nur prosp. erscht schafft immene donat lade. also jede tag am 4ri ufstoh und go donat mache. ihm passt de job seit er emel. er isch mega en hungrige, er het di ganz ziit hunger. am samschtig hemers no luschtig zeme gha. mir hend enand lieder wo mer guet finded in yutupe zeitgt. jo suscht han i nid so vill mit ihm ztue. er isch meistens i sim zimmer und luegt fernseh.

also i wuerd sege mit de familie han is guet breicht, zum teil sinds chli spezielle aber mega lieb.