1. Eindruecke in Australien

Hallo zaeme

sorry evtl. haets chli schrieb fehler, die haend chli aen anderi tastatur, i hoff ihr choends glich laesse.

so fanged mir emol ah mit mim 1. bricht. de flug isch alles sowiet guet gange, bim 12stuendige flug haets nid so vill luet gha, drum han i 3pletz fuer mi allei gha. isch voll gedige gsi zum pfuuse.
s`einzige wo nid ganz klappt het isch de transfer gsi. i bin am flughafe ahcho und niemert isch doet gsi. juhui, janu wa wotsch mache. i han chli gwartet und noch 20min. han i den emol ahgluete oeb er mi vergesse haet. und jo as isch so gsi, er het gmeint i chum erscht en tag spoeter ah. janu er isch den no cho und het mi zu de familie brocht.

d`familie isch sowiet i ihschetze chan voll ok. si hend mi am samschtig am frue morge kurz willkomme gheisse und den bin i go penne. am 9ni isch mi d`miyuki cho wecke. si isch au en studentin wo bi dere familie wohnt und si got i die glich schul wie ih. si het mir de weg fuer i dschul zeigt und den simer mitere kollegin vo ihre go shoppe. ajo si isch japanerin.

am sunntig, bin i mit em fabian (schwizer boy, wo au emol bi dere familie gwohnt hat) in perth gsi. er het mir miteme spanische kolleg vo ihm chli perth zeigt. isch voll gedige gsi, er het mir alles wichtige uf duetsch gseit und de rest hemer englisch gret.

no zu de familie. si hend 2huend. de gross nervt mi mega, wot immer zesse. isch chli ahhenglich. die wuche isch no en boy vo hong kog bi eus. er got am noegschte mentig wieder hei. d`familie isch zeugen jehovas falls das au no oeper intressiert.

gester isch min 1. schultag gsi. isch no voll easy. am morge hemer immer english gramatik und am nommitag muendlich. am morge und am nommitag sind nid die glich lut. am morge isch 1schwizerin i de klass. si isch aber nur no 3wuche do. und i de nomitag klass isch au 1. schwizerin und 1.schwizer. de schizer red aber franzosisch. isch also no guet.
noch de schul bin i mit de miyuki nochli i d`stadt gange. und mis zug billet go mache. isch en art kreditkarte, wo mer eifach immer wen mer im bus ihstiegt mue ihscane und wen mer usstiegt. isch no es guets system. ehnlich wie bi eus z`dintike bus karte eifach elektronisch.

huet noch de schul go i evtl. an strand wens no platz het, chond mit de schul go. und nochher gomer ah es barbecue, i wird die einzig schwizerin si, isch nid so tragisch. d`miyuki het mi ebe gfrogt ob i au wot micho. si isch en mega liebi, zeigt mir alles und hilft mir. mengisch hemer zwor chli mue eus z`verstoh, will i hald noni so guet english chan und sis au nid spize chan. aber es got. jo i glaub das wer emol so s`erschte. hoff i chan euch gli wieder brichte. chan ebe nur i de schul is internet. und es isch glaub mega beliebt, doerfed au nur 30min go pro tag. jo also i wuensch eu allne es schoens taegli bis gli

han euch lieb
margot

PS: s`wetter isch bis jetzt mega schoen, 27Crad.